【飛虎之雷霆極戰】姜大衞曾介意媽媽最錫秦沛 評女婿曹永廉：個女嫁畀咁嘅人

《飛虎之雷霆極戰》中黃宗澤、吳業坤、姜大衞飾演三父子，故事相當感人，他們近日上《Tiger`s Talk》公開大談現實中與至親的關係。

姜大衞話自己小時候經歷過戰亂要逃難，和平後才來港，爸爸早已過身，媽媽紅薇要獨力工作賺錢，照顧8個仔女（後來餘下4個）與阿嫂一家人，他說：「嗰陣好慘，10幾人住喺同一間屋，因為太多人要請個工人。」慶幸媽媽入行拍戲、上電台、配音、教上世紀明星講國語，才能養活一家人。因為太多兄弟姊妹，姜大衞自覺不受重視，故年輕時任性反叛，曾離家出走兩次：「我媽好錫我大佬秦沛、我妹、爾冬陞，我排第4、5個，所以我成日去街，唔喺屋企，10幾歲我就走。」

{{hket:inline-image name="13.jpg"}}{{/hket:inline-image}}

(TVB電視截圖)

長大後，姜大衞終需擔起養家責任，如今更成為爸爸，他坦言辛苦：「擔心嗰種辛苦，我大女嫁咗畀阿廉，成日會掛住。二女喺加拿大，我成日都想飛過去。」不過姜大衛就話沒有呷過女婿曹永廉醋，林盛斌表示驚訝：「嗰個係曹永廉喎！」姜大衛補充：「只係感覺將個養咗咁大嘅女，交咗畀咁嘅人。」黃宗澤大叫：「你（曹永廉）睇你形象幾差。」姜大衞眼泛淚光表示：「但我個女鍾意佢嘛！我只能支持個女。最後都ok，阿廉唔夠膽唔乖啦，佢好顧家。」黃宗澤認同，指全行都識曹永廉，哪有膽量，伍詠薇都話：「佢走得甩？」

{{hket:inline-image name="14.jpg"}}{{/hket:inline-image}}

(TVB電視截圖)

{{hket:inline-image name="19.jpg"}}{{/hket:inline-image}}

(TVB電視截圖)

{{hket:inline-image name="20.jpg"}}{{/hket:inline-image}}

(TVB電視截圖)

至於吳業坤就話媽媽會學歌迷舉牌，很愛錫他，他感同身受：「阿媽點解咁掛住個仔，因為BB一出世已經睇住佢...」姜大衞開玩笑說他已有BB，林盛斌笑指大家不要說出去。吳業坤繼續形容媽媽多麼在乎他：「佢連我著長短襪都要管。」林盛斌就話：「佢想做形象指導啫，你睇吓Bosco幾型，你著到？你望一望就知。」他又自稱性格內向，同媽媽少講心事，伍詠薇話對著她才會內向，他滿頭大汗答：「唔係，都想㗎，飲杯嘢食個飯。」伍詠薇就笑他很多網上女友，工作人員都不斷點頭，他解釋：「唔好信啲雜誌，信我。」

{{hket:inline-image name="18.jpg"}}{{/hket:inline-image}}

(TVB電視截圖)

{{hket:inline-image name="11.jpg"}}{{/hket:inline-image}}

(TVB電視截圖)

{{hket:inline-image name="17.jpg"}}{{/hket:inline-image}}

(TVB電視截圖)

雖然黃宗澤初出道也是全靠媽媽支持，他亦很愛錫媽媽，但他卻坦言媽媽亦有難頂的地方：「由細到大我都頂唔順阿媽，唔高興就會鬧交，佢好亂，喺屋企啲嘢亂咁放。」他又笑言媽媽常呷醋，會幫他揀選女朋友，仲對他歷代女朋友直接黑臉、無視，令他認為媽媽根本不想自己拍拖。

{{hket:inline-image name="12.jpg"}}{{/hket:inline-image}}

(TVB電視截圖)

{{hket:inline-image name="15.jpg"}}{{/hket:inline-image}}

(TVB電視截圖)

撰文：張芷晴
責任編輯：楊安莉