邵氏特別節目《飛虎同學會》第三集請嚟有份參演邵氏劇集《飛虎之雷霆極戰》嘅余香凝、蔡潔與吳卓羲（Ron）擔任嘉賓。今次三人於劇中有感情線，主持錢嘉樂、陳敏之問到兩位靚女與Ron首次合作，覺得對方如何時，余香凝謂：「真人靚過上鏡啦！Man囉！」
《飛虎同學會》截圖
Ron聞言即謂：「咁死啦！我靠個樣搵食㗎！」蔡潔則謂：「佢喺我印象中係古裝樣嚟！因為細細個睇《大唐雙龍傳》。」
《飛虎同學會》截圖
蔡潔指豈初怕Ron為人火爆，但其實他為人很好、很細心，第一日開工就請大家食Tea，不過就被Ron笑她膚淺。
再要兩位靚女說出Ron缺點時，二人傻笑表示：「冇喎！」蔡潔謂：「對我嚟講係比較少傾偈囉！」而蔡潔真人比劇中角色阿敏靚得多，她謂：「劇入面我係做電腦專家，但我真人係電腦白癡嚟，同埋我唔使睇Playback都唔驚，因為個角色好醜樣，不過拍嗰三個月好開心，有好多型男圍住隔離。」
《今期流行》ＭＶ截圖
節目中陳敏之提到2000年仍然係無綫舞蹈員嘅吳卓羲遇到伯樂古天樂嘅事。吳卓羲憶述當時佢喺古天樂《今期流行》嘅ＭＶ中有份跳舞，後來喺清水灣電視城嘅飯堂撞到古天樂，古天樂對佢上下打量，但當時冇講啲咩。後來吳卓羲就畀高層召見，開始咗佢嘅演員生涯。
（東星娛樂）
《衝上雲霄》截圖
吳卓羲唔係第一套戲就做主角，不過之後好怏就接拍到《衝上雲霄》演初出茅廬嘅飛機師，仲遇到非常好嘅對手，戲精吳鎮宇飾演佢嘅哥哥，帶住佢做戲之餘又教佢好多嘢。貴人多多嘅吳卓羲又表示好多謝監製潘嘉德好願意大膽起用新人，令到佢哋當年一班新人有唔少機會。
（東星娛樂）
由《學警出更》到即將播出嘅《飛虎之雷霆極戰》，吳卓羲做無綫嘅「御用警察」可以話係入晒血！15年「警察生涯」入面做嘅角色全部都非常衝動，仲衝動到成件事畀佢搞彎晒，每套劇入面都會被上司訓示，甚至被處分。
（東星娛樂）
吳卓羲都曾經問過導演，導演就答佢：「唔通你想沉實啲咩，有少少衝動先會有啲效果去吸引觀眾。」雖然「差齡長」，不過吳卓羲話佢仲有好多警察部門都未做過，例如交通警察，仲大爆當年曾經差啲開拍一套講關於水警嘅劇集，不過最後因為借唔到退役水警輪拍攝而告吹。
《飛虎同學會》截圖
撰文：黃蘊姿