【仙氣大肚寫真】雨僑安胎做女王唔敢喪食 網上生意交老公羅力威接管

雨僑與羅力威18年結婚後積極造人，今年情人節宣布造人成功，懷有7個月身孕的雨僑昨日在社交網大曬靚靚孕照；她接受《晴報》訪問時，透露懷孕期間獲老公羅力威細心照料，就連網上的美容生意，羅力威亦打理得頭頭是道，她笑言：「佢絕對唔係『豬隊友』。」

相關新聞：雨僑讚羅力威有生意頭腦

{{hket:inline-image name="5.jpg"}}{{/hket:inline-image}}

（圖：雨僑IG）

{{hket:inline-image name="100960744_2974725155915002_7146783079084135962_n.jpg"}}{{/hket:inline-image}}

（圖：雨僑IG）

雨僑日前在羅力威陪同下，到影樓拍攝一輯大肚寫真，穿上白色貼身低胸連身裙的她，露出巨肚之餘，上圍亦明顯升級，但手腳依然纖瘦，絕對是得天獨厚，不過相中就未見羅力威出現。雨僑留言：「七個月，開始感到你的重量，你的力度，我覺得你會是個強壯的寶寶，有時我會很疲倦，有時則敏捷得忘了自己是孕婦，193天和你在一起，我都享受着，睡一整天也好，精力旺盛也好，這是我們獨一的共同回憶。」不少網民都大讚雨僑這輯孕照相當唯美。

{{hket:inline-image name="3.jpg"}}{{/hket:inline-image}}

（圖：雨僑IG）

還有約3個月便到預產期，孕期轉入大直路，雨僑昨日接受本報電話訪問時，對於羅力威沒有一同拍照，她解釋：「佢唔係好鍾意扮靚影相嘅人，呢輯相嘅風格亦唔太啱佢，但我都book咗另一間影家庭照，佢到時先一齊影。」雨僑又指懷孕期間甚少出現「害喜」情況，但疲累、嗜睡及胃口欠佳實屬正常，她表示：「算係好感恩，同埋我老公好幫得手，佢喺我唔算好精神時，幫我做晒所有嘢，舖頭生意幾乎交晒畀佢，仲要煮埋飯畀我食，所以佢真係好忙同好攰，絕對唔係『豬隊友』。」

{{hket:inline-image name="4.jpg"}}{{/hket:inline-image}}

返娘家暫住

（圖：雨僑IG）

對於被稱讚肥胎不肥人，雨僑開心表示沒有刻意去保持身形，只是襯現時仍未開始腫脹時留倩影，她說：「只能夠話喺孕期唔同階段，狀態會有所唔同，我機本上除咗生冷嘢唔食之外，都冇乜特別戒口，就連海鮮類都會食少少。至於補品亦唔會特登少食，有朋友送燕窩、花膠畀我，我都只係食咗幾次，因為我想順產，驚補得太多，BB會太大個，到時就好難生。」

{{hket:inline-image name="1.jpg"}}{{/hket:inline-image}}

（圖：雨僑IG）

另外，雨僑亦透露有親人做陪月，所以屆時會請對方來幫手照顧她和BB，至於BB房日前亦裝修完畢，她透露：「裝修期間我哋搬咗返娘家住，住咗差唔多十日，始終聲音同氣味都會影響到我，其他BB用品亦都添置緊，繼續學習中。」