美國賣５蚊美金一卷 薛家燕寄廁紙畀囡囡應急

薛家燕前晚在將軍澳電視城錄影音樂節目《流行經典50年》，原來家燕姐大女石祐珊目前身在美國，家燕姐指美國防疫物資短缺，一卷廁紙要索價五美元（約39港元），所以連忙寄兩條廁紙到美國給囡囡應急。

薛家燕前晚以低胸裝現身，她搞笑稱一身打扮在歐洲很流行：「後生嗰陣唔夠膽着，因為阿媽睇住，不過依家我都做咗人哋阿媽啦。」她透露大女石祐珊目前與王梓軒身在美國工作：「佢哋二月已經去咗美國，希望下月尾返嚟。珊珊初時戴口罩出街，啲人會覺得佢哋好奇怪，依家就人人都戴。」家燕姐表示當地的防疫物資相當短缺：「嗰邊唔夠口罩，一卷廁紙賣緊五蚊美金呀，所以我寄咗兩大條廁紙同口罩過去。」

家燕姐表示隔日與女兒通電話，她叮囑女兒與王梓軒互相照應：「佢哋依家一星期先出去買一次日用品，之前佢哋住嘅地方附近有爆炸，要臨時封鎖，佢哋差啲無家可歸。」她又指女兒更試過遺失銀包，幸好失而復得：「因為疫情之下好少人出街，佢返轉頭竟然搵得番（銀包）。」

惋惜賭王逝世

另外，提到賭王何鴻燊前日離世，家燕姐表示十分難過：「何生係一位大慈善家，熱心公益，又風趣幽默。我同四太（梁安琪）比較熟啲，其實何生已經好叻，撑咗幾年，但年紀大都無辦法。不過屋企人咁錫佢，相信佢應該走得舒服，希望佢屋企人節哀順變，遲啲先慰問四太。」

採訪︰Pauline

攝影︰林良明

編輯：李潔盈

美術：顏玉玲