融入周志文家中 劉佩玥講爛Gag：證明我好入屋

劉佩玥（Moon）與周志文的緋聞傳足多時，雖然二人一直沒有承認戀情，但日前Moon被拍到獨自上周志文屋企。昨日Moon出席活動時，直認不時上男方的家，更自認生得可愛，所以與男方父母相處融洽。

劉佩玥與鄧佩儀等一班《降魔的2.0》演員，昨日到九龍灣派口罩及防疫物品。Moon在前晚播放的一集《降魔的2.0》中，飾演女鬼「啤啤」的她，終於與父母陳嘉輝、溫裕紅解開心結，Moon更在劇中假結婚完成父母心願，三人演出獲觀眾大讚相當感人。Moon昨日說：「之前睇劇本已經感動到喊，我同爸爸媽媽一齊睇呢集，我媽咪都睇到眼濕濕。」

問到劉媽媽的心願是否想女兒快點出嫁？Moon說：「屋企人從來無催我，相信好多媽咪都唔想個女咁快就嫁，我都想有多啲時間陪媽咪。」提到Moon日前被拍到上緋聞男友周志文家，她大方承認說：「由細到大去朋友屋企，都係好正常嘅事，我去玩同傾偈啫。」孤男寡女共處一室？她否認說：「絕對唔係孤男寡女，佢（周志文）父母都喺度嘅，其實去朋友屋企好正常，唔使放到咁大，我都成日去阿康（周志康）屋企，同阿康囡囡一齊玩。」

自誇「長輩甜心」

談到Moon經常出席周家的家庭聚會，看來已融入對方家中，她笑說：「其實我同佢哋屋企人都好熟，我去過好多男女同事屋企，個個屋企都好融入，證明我真係好入屋囉。」問周志文父母對她印象如何？她扯開話題說：「我外形咁可愛，好多長輩都鍾意我，同埋可能我屋企都有老人家，所以我識得同年紀大嘅人相處，我人見人愛。」

採訪︰Pauline

攝影︰林良明

編輯：李潔盈

美術：梁政敏