【聲明】港生活網站並無進行電話推廣活動

扮惡妻太入戲 苟芸慧累老公屋企受罪

發佈時間: 2020/05/29

苟芸慧(苟姑娘)前年嫁給陸漢洋後,鮮有在熒幕出現,不過她在邵氏劇集《飛虎之雷霆極戰》飾演馬國明的惡妻一角,她大呼緊張之餘,更因投入演出,回家後對老公不自覺惡起來。

今次是苟芸慧婚後首部演出的劇集,亦是她相隔四年重返香港熒幕。劇中,苟姑娘一改溫柔形象,飾演搞笑惡妻,有不少「鬧爆」老公馬明的場面。她笑說:「同馬明嘅對手戲都係輕鬆為主,唔使打、唔使喊。記得我同馬明開工嘅第一場戲,就要發脾氣鬧佢,場戲仲要喺街市拍,好多人望住,都幾大挑戰。」

讚馬明係好爸爸

苟姑娘首度跟馬明合作,她大讚對方說:「有時自己狀態唔好會�𤺧,但馬明好有耐性,對住我笑,叫我唔使咁緊張,又安慰我。我哋喺劇中有個囡囡,佢會主動同小朋友玩,好有爸爸feel。」她又指馬明為人風趣:「有日馬明同我講『苟姑娘,原來我哋有場床戲』,我話睇過劇本唔係咁,後來先知佢講嘅床戲,係坐喺床傾偈嘅戲份,哈哈!」

演得相當投入的苟姑娘,坦言拍攝期間抽離不了「惡妻」角色:「老公話我拍呢部劇時特別惡,可能我唔覺意將角色性格帶返屋企,但我覺得佢應該接受到,因為鬧時表達到我嘅想法,我估佢都鍾意。」她表明不准老公探班:「有次老公好似《愛的迫降》咁空降拍攝現場,我之後反映,唔好再喺我工作位置出現,咁會令我分心,但佢話嚟睇馬明,仲話馬明係佢偶像。」

撰文︰Pauline

編輯:李潔盈

美術:梁政敏

扮惡妻太入戲 苟芸慧累老公屋企受罪

平時陰聲細氣的苟芸慧,在劇中扯火鬧爆老公馬國明。