【飛虎之雷霆極戰】黃宗澤踢爆苗僑偉片場3個秘密 吳卓羲點解話馬國明好偽善？

近日TVB熱播《飛虎之雷霆極戰》，吳卓羲、黃宗澤、馬國明頻頻上節目大曬兄弟情，仲於《東張西望》狂爆苗僑偉秘密。

{{hket:inline-image name="11.jpg"}}{{/hket:inline-image}}

(TVB電視截圖)

想當年拍《衝上雲宵》，吳卓羲憶述：「嗰時喺澳洲拍嘢唔可以一人一間房。」馬國明就話另一次合作仲慘：「喺北海道住民宿，我哋瞓晒角落。」吳卓羲認同：「真係慘，朝早仲要摺被...人生路不熟，所以我哋好熟。」馬國明又說道：「嗰陣冇演技，乜都唔識，唔識走燈、就鏡頭，依家醒目好多。」不過吳卓羲就話自己依然「大細路」，黃宗澤笑：「好在你認！」

{{hket:inline-image name="12.jpg"}}{{/hket:inline-image}}

(TVB電視截圖)

{{hket:inline-image name="13.jpg"}}{{/hket:inline-image}}

(TVB電視截圖)

3子就話他們雖然成長不少，但仍話唔到事，事關仲有苗僑偉，吳卓羲笑言：「我哋要講道理。」黃宗澤爆料：「三哥嗰啲係冇道理。」嚇到吳卓羲裝正經。口窒窒咁以為吳卓羲想澄清，但他說：「嗱...我唔再講呀吓，老實講，係。」馬國明幫口：「我唔敢講㗎，不過係。」不過吳卓羲轉軚：「我哋講到三哥咁，但佢係個好錫我哋嘅人嘅。」

{{hket:inline-image name="14.jpg"}}{{/hket:inline-image}}

(TVB電視截圖)

講到劇內角色，黃宗澤表示：「我負責買嘢...其實個個都有。」他又與吳卓羲補充：「唔可以畀三哥威晒，成日都佢萬歲，我哋咪好冇面？我哋邊有位企？不過三哥係三嫂（戚美珍）叫先會萬歲嘅。」

{{hket:inline-image name="20.jpg"}}{{/hket:inline-image}}

(TVB電視截圖)

{{hket:inline-image name="15.jpg"}}{{/hket:inline-image}}

(TVB電視截圖)

{{hket:inline-image name="16.jpg"}}{{/hket:inline-image}}

(TVB電視截圖)

黃宗澤又話最「艷」是馬國明，可與苟芸慧演夫婦，馬國明解釋：「有靚女望吓都開心，我哋好多床上戲，床上傾偈戲呀！不過成日演正氣角色，我都想玩吓做奸。」吳卓羲反對：「你搶晒啲戲做，我哋仲有得撈？你喺現場氣場冇得頂，大家唔使否定。」黃宗澤認同：「馬明好勤力，唔使問。」馬國明本來想打斷他們說話，讚大家都好勤力，但吳卓羲繼續講：「佢啲劇本寫到密密麻麻，啲心聲、備注。」馬國明解釋：「大家都係咁，唔係點喺個圈企到依家？」主持讚馬國明本性謙虛，吳卓羲反駁：「謙虛過頭叫偽善。」黃宗澤笑到半身瞓低。

{{hket:inline-image name="18.jpg"}}{{/hket:inline-image}}

(TVB電視截圖)

最後3子表示最過癮是苗僑偉拍戲：「三哥喺片場照顧晒我哋所有嘢，朝早見到佢行入嚟嗰種英姿已經係賞心悅目。《飛虎2》只有一個飛虎，就係苗僑偉。」馬國明笑道：「好多時佢哋打生打死，三哥嚟攞彩。」吳卓羲、黃宗澤即與他劃清界線：「我唔敢講，佢係喺直昇機掃射唔使落嚟...我唔敢講喇。既然講到咁大膽...訪問嘅時候，佢成日話我哋唔提及佢，唔好陷我於不義，話我入佢。」

{{hket:inline-image name="19.jpg"}}{{/hket:inline-image}}

(TVB電視截圖)

撰文：張芷晴
責任編輯：楊安莉