「收視福將」歐陽震華（Bobby）係圈中出名愛妻號，跟老婆傅潔嫻結婚24年，雖然無兒無女，但多年來相處融洽，十分恩愛。近年Bobby開始減產，頂盡一年一劇，除為身體健康著想，亦希望多啲時間陪太太，認真係100分好老公！
（圖片：東星娛樂）
近日Bobby受好友佘詩曼（阿佘）邀請，上大陸節目《看我的生活》作客，分享咗一啲自己對婚姻睇法。佢話事表示以前會同太太講，自己一定會「走」先，但現在就有另一個睇法：「而家我會想遲死過太太，因為我好擔心，如果我死先，驚冇人照顧佢。」Bobby一面認真咁講，令在場來賓聽到相當感動。
相關新聞：【娛樂圈「樓后」】佘詩曼邀歐陽震華作客閨房曝光 手握多個磚頭逾半億相連獨立屋
Bobby上節目講心聲（圖片：影片截圖）
現年59歲的Bobby有過兩段婚姻。90年代認佢結識了前妻劉惠如，對方係一名髮型師，二人一拍即合，拍拖冇耐就決定拉埋天窗，但幾年後因性格不合，93年最終遺憾離婚收場，婚姻只維持短短兩年多。回復單身一年幾，Bobby就邂逅現時太太傅潔嫻，拍拖不久便傳出婚訊，1996年二人在加拿大正式結為夫婦。
（圖片：Bobby微博）
Bobby嘅太太家世顯赫，爺爺係澳門一代賭王傅老榕，家族除創辦香港富麗華酒店，又涉足房地產業務，家族資產據知近80億。亦因為咁，當時Bobby被指係「食軟飯」，受盡壓力，幸好佢之後事業愈嚟愈好，劇集大受好評，呢啲評論先慢慢減少。
（圖片：Bobby微博）
2013年Bobby因食物落錯隔導致急性肺炎，昏迷需要送入院搶救，更一度住入深切治療部，情況嚴重，差點踏入鬼門關，嚇到太太同一班好友勁擔心。好在Bobby福大命大，最後順利醒返，出院時佢更忍唔住爆喊，多謝老婆一直細心照顧。經過此事，Bobby更加明白健康同老婆先最緊要，之後減少工作，太太又不時幫佢進補，食補品調理身體。
（圖片：東星娛樂）
Bobby出院感慨落淚（圖片：東星娛樂）
就算結婚超過20年，Bobby同太太一樣咁恩愛，去邊都糖黐豆咁，出席朋友聚會都會一齊。
兩公婆去邊都一齊，好sweet！（圖片：Bobby微博）
糖黐豆（圖片：Bobby微博）
撰文：羅慧怡
責任編輯：楊安莉