【聲明】港生活網站並無進行電話推廣活動

《中佬唔易做》 袁富華茶記打工嗌辛苦 張松枝Sell寬頻開爆單

發佈時間: 2020/06/02

張松枝、袁富華、古明華、麥長青(麥包)、敖嘉年及艾威昨日出席ViuTV全新節目《中佬唔易做》記招,六人在節目中體驗轉行打工滋味。張松枝與袁富華分別做寬頻推銷員及茶餐廳雜工,張松枝成功靠名氣吸客做top sales;袁富華坦言記住茶記術語難過背劇本。

六位「中佬」昨日在記者會上分享轉行點滴,做貨van司機的麥長青笑說:「我年紀大要享受,開頭以為揸電單車好辛苦,原來揸貨van有冷氣歎舒服好多。」任職家具店售貨員的古明華,笑言開兩日工無糧出,不過有電視台出糧給他。

至於張松枝與袁富華在澳洲拍電影《廉政風雲煙幕》時成為好友,經常傾心事,袁富華搞笑說:「女朋友嗰陣問我成日同邊個一齊,我咪話松枝囉。」張松枝在節目中於街頭推銷寬頻,戴上口罩的他仍被不少市民認出,令他靠名氣開爆單:「我sell乜,大家買乜,一日開咗四張單。雖然我返一日,但事前上八個鐘堂學點做,唔及格無得sell㗎。」袁富華坦言在茶餐廳打工好辛苦:「拍戲記對白,背熟稿就得;但呢行好多密碼,叫餐要用代號。」他指老闆對其表現有微言:「佢哋無直接鬧我,係用眼神矋住我,如果佢哋做演員,真係好好戲。」

艾威指梁潔華幸福

另外,艾威與黃日華份屬好友,提到黃日華愛妻梁潔華病逝,艾威說:「睇住佢哋拍拖、結婚,感受到佢哋好恩愛。」他指一年多前見過梁潔華,已知對方身體有問題:「大家都有心理準備,其實佢好幸福,有個好老公咁愛佢,個女又孝順,希望佢走嗰陣唔痛苦。」

採訪;Pauline

編輯:李潔盈

美術:梁政敏

《中佬唔易做》 袁富華茶記打工嗌辛苦 張松枝Sell寬頻開爆單

袁富華打工最大得着,是成功沖出一杯滿意的奶茶。

《中佬唔易做》 袁富華茶記打工嗌辛苦 張松枝Sell寬頻開爆單

艾威在節目中做油站入油員,做足防疫措施上陣。