【聲明】港生活網站並無進行電話推廣活動

與周柏豪Camping騷肌傾心事 袁偉豪︰我哋乜都攞出嚟講

發佈時間: 2020/06/03

袁偉豪(Ben)與周柏豪合作的《兩個小生去Camping》前晚首播,兩兄弟帶觀眾上山下海,欣賞香港的隱世秘境,二人除了在海灘騷肌,又趁露營盡訴心中情。Ben昨晚向《晴報》承認,「孖豪」有好多深入話題,「我哋乜都攞晒出嚟講!」

一連十集節目,兩位小生帶觀眾發掘香港的山系秘境,感受非一般野外體驗。Ben與柏豪在首集除了潛水兼半裸騷肌,更在Camping時大談兩兄弟玩ICQ的相識經過。

兩人在鏡頭前暢談男人心事,柏豪提及去年尾出生的女兒周芯悅,又自爆跟太太相戀多年,仍習慣每晚牽手睡覺。至於Ben亦激罕憶述舊情,透露曾與某位舊愛共度春宵後,對方起床煮了一頓令他非常滿足的早餐。Ben昨晚回覆《晴報》時透露,三月中才收到拍攝通知,四月頭即刻開工︰「我哋同監製開會,佢都度身訂造啲問題,個節目係開放式,我哋乜都攞晒出嚟講,主要談及個人和演藝經歷!講咗好多關於我哋年輕嘅第一次,都唔知出唔出到街!」

疫情下肌肉走樣

提到Ben在首集自揭前度「美味早餐」的往事,他戲言當時正跟女友張寶兒(Bowie)一齊睇︰「其實淨係講食早餐,無講邊一任女友,當時Bowie都喺隔籬,佢無乜嘢!」

此外,Ben一向擁有健碩身材,但在拍攝時未見爆肌,他即回應︰「我哋都係拍攝前兩星期收到通知,因為疫情影響,無出街,唔夠時間做Gym!(拍潛水好辛苦?)第一集潛水當日係最凍嘅一日,雖然有太陽,潛水教練都話不宜潛水,不過趕進度都無辦法!」

Ben更特別預告稍後節目將有「刺激嘢」睇︰「我哋第一日開工就玩風箏滑浪,自己落水時傷咗尾龍骨,好彩潛水衣質料好。至於玩滑翔降傘,由馬鞍山起飛到西貢降落,柏豪係獻出第一次!」有網友讚節目靚人靚景,睇得滿足;亦有觀眾指「孖豪」傾心事夠真又好feel。

撰文︰Steven

編輯︰陳禮恒

美術︰Simon

與周柏豪Camping騷肌傾心事 袁偉豪︰我哋乜都攞出嚟講

袁偉豪(左)直言臨急開工拍攝,未有時間操練爆肌身形。(網上截圖)

與周柏豪Camping騷肌傾心事 袁偉豪︰我哋乜都攞出嚟講

「孖豪」一身專業裝備,二人勇闖赤徑石澗,大玩男人的浪漫。

與周柏豪Camping騷肌傾心事 袁偉豪︰我哋乜都攞出嚟講

柏豪自爆女兒出生當日,自己刻意穿粉紅色衫見前世情人,果然是暖爸。(IG圖片)