榮升姑媽幫手餵夜奶 胡定欣嚇怕唔敢生B

胡定欣、陳豪及黎耀祥前晚出席《東張西望》15周年兼邁向4,000集活動，與台前幕後齊齊切蛋糕慶祝。久未露面的胡定欣，笑言早前胞弟榮升爸爸，所以她幫忙湊BB，但卻因此嚇怕而不敢生小孩。

胡定欣、陳豪及黎耀祥被《東張西望》選為「人氣之王」，原來經統計後，三人接受節目訪問的次數最多，他們前晚在節目中分享以往出鏡的趣事。之後定欣與陳豪一齊受訪，定欣笑言想不到有受訪次數最多的數據：「頭先喺節目度睇番啲片段，記錄咗好多大小事情，由開劇探班到頒獎禮，真係勾起好多回憶同往事，好難忘。」陳豪笑言節目有很多自己的歷史見證，例如他以前剷光頭的模樣，問他會否儲起昔日的訪問片段？他說：「唔會，因為生活應該向前行。」

問休息多時的定欣是否等與無綫約滿？她表示一直有洽談合約：「其實一路有工作，只係受疫情影響，自己乘機休息下，呢段時間除咗做運動，亦多咗時間陪屋企人。」她透露最近榮升姑媽：「細佬做咗爸爸，今日（前日）係BB出世100日，我呢幾個月見證BB成長，又試過幫手餵夜奶，但親身試過先發覺原來湊BB真係唔容易。」問她會否想生育下一代？她笑說：「經歷過餵夜奶，真係有啲怕怕，但我依然覺得小朋友好可愛。」

陳豪唔介意再生第四個

至於陳豪與太太陳茵媺育有三子女，餵夜奶經驗豐富，問他會否追第四個小朋友，挑戰林盛斌「無綫多仔公」的地位？陳豪笑說：「我都追到個女，見好就收，同埋依家環球經濟暫時唔係咁理想，所以比較想集中火力照顧三個小朋友成長。」他自言追B隨緣：「唔係無可能，依家湊三個都好忙，遲啲先諗啦，不過邊個唔鍾意BB呢，都係多雙筷子啫！」

採訪︰Pauline

攝影︰林良明

編輯：李潔盈

美術：梁政敏