【無品顧客】大媽超市為揀靚蕉每梳逐隻搣 剩蕉爛開變次貨街坊斥浪費食物【附香蕉3個成熟階段功效分析】

水果質素不一，有些表面光滑看似新鮮，有些則較多瑕疵未必吸引。但近日有大埔街坊到超市買香蕉，發現貨架上大部分香蕉都曾被人篩選過，只剩下被「搣爛」、表皮略黑的次貨，更見到有婦人「精挑細選」，擅自從每梳香蕉「搣幾隻最靚」，直斥其非反遭罵多管閒事，遂發帖怒斥此等行為自私及浪費食物。

「本身個皮淨係花咗少少，但你搣咗落嚟就係垃圾！」有女網民昨日（3日）於Facebook群組「Tai Po 大埔」發帖，指她前往超級市場買香蕉時，經常遇見有些婦人「理所當然咁每揪搣揀幾隻最靚」，但於街市水果檔卻不敢作出類似行為。她續指，當遇見這種情況時都會直斥其非，著涉事婦人停止「揀蕉搣蕉」，但總是被回罵：

「一係畀人話我痴(黐)線，一係話擺低有其他人會買。」

她續指，每日超市內都有一堆被搣開及有破口的香蕉，通常只是外皮有少許刮痕，卻因為被搣下來而被視為次貨、甚至垃圾，最後要棄掉，平白被浪費。她又指，自己平日已盡量選購這類散裝香蕉做蛋糕，但每當看到香蕉「屍橫遍野」時都難忍怒氣，遂發帖怒斥：

「唔係老馮你可以逐隻揀，其他人就一定要買你留低嘅次貨。拜託改吓呢d（啲）陋習，唔好咁自私！」

帖文發出短短半日，已有超過200名網民留言，紛紛大罵涉事者行為缺德，「本身啲香蕉冇乜問題，都被呢班自私精滅到爛」、「明明好貨比（畀）佢哋咁搞法都變次貨」。不少網民亦表示曾遇過相似情況，「感同身受，我已經為咗呢個問題同啲師奶，阿叔鬧過無數次交」、「見過啲師奶打開晒每盒雞蛋，揀晒啲最好嘅放埋一盒」、「我都試過忍唔住鬧個師奶逐粒提子揀，佢仲大聲過我」。

另有網民稱，現時部分超市「有袋包住香蕉」，或是「用膠紙綑綁住每梳蕉」，以杜絕部分顧客作出上述行為。

生熟香蕉各有營養  「全黃」不一定最好

主力售賣鮮果及相關製品的品牌「地捫」早前曾於Facebook專頁分享挑選香蕉的方法，稱香蕉的成熟過程可分為多個階段，各具不同功效或營養，提醒並非「全黃」才適合食用，而有啡點亦不一定代表已變壞，建議市民可品嚐不同成熟程度的香蕉，享受不同口感。

1. 未熟青或半青半黃：穩定血糖、改善腸道

2. 四分之三至全黃：促進新陳代謝、美白養顏

3. 帶有啡點的全熟：幫助消化抗衰老 

延伸閱讀：

【香蕉營養】青色、半青半黃、全熟有啡點 地捫拆解生熟香蕉營養大不同【附專家意見】【查看詳情】

撰文：賴天兒

責任編輯：李凱晴