娛樂圈又多個靚靚星二代!文雪兒跟前夫所生的大女張筠Christy今日宣布,簽約Mandy Lieu的模特兒公司「QUEST」,以模特兒身份入行。文雪兒近年戲癮復發,先後演出TVB多部劇集,備受注目,她亦活躍於社交網,經常在IG分享跟兩個女的合照,兩個女兒盡得媽咪優良基因,標緻可人。據知「QUEST」正是看中Christy跟前排熱播韓劇《夫妻的世界》「最美小三」韓素希氣質相似,想為她營造健康性感的形象。
相關新聞:【低調慶生】文雪兒賀「登六」兩個女意外搶Fo 省鏡靚樣盡得媽媽真傳似三姊妹
兩個女似足媽咪咁標緻可人(圖片:文雪兒IG)
(圖片:ChristyIG)
文雪兒大女Christy不單有靚樣,而且讀書都好叻,於英國UCL(倫敦大學學院)土木工程系碩士課程畢業,現任職土木工程師。而細女Jennifer都修畢傳理系,現時正幫媽咪打理美甲店生意,相當乖女。
Christy唔止靚女,而且讀書好叻(圖片:文雪兒IG)
(圖片:ChristyIG)
Christy被指同韓星韓素希撞樣(圖片:韓素希IG)
文雪兒接受《晴報》訪問時表示,Christy不會放棄工程師正職,而是會用工餘時間做模特兒工作。她說:「Christy同一般女仔一樣啦,(模特兒)可以著靚衫,可以show佢好努力練返嚟嘅身形,都係想趁年輕做多啲嘢。我覺得佢學到嘢,開心就得,至於Daddy都係咁諗,希望佢唔好太暴露,健康就得。」她又表示:「佢(Christy)都算有小小經驗,我由細都有帶佢去行名人子女catwalk。」
(圖片:ChristyIG)
文雪兒帶女兒行catwalk,其中一個扮Barbie的比賽更贏過冠軍,當時是Janet Ma做評判,兩個女兒都得獎,相當叻女!
(圖片:受訪者提供)
細細個已經有行catwalk經驗(圖片:受訪者提供)
至於問到Christy會唔會考慮拍劇時,文雪兒稱暫時不會,她説:「可能機會細啲,因為始終有份正職,(拍劇)時間長未必安排到,但如果有啲唔係太多戲嘅角色,好似得幾場咁,我都會問下監製可唔可以畀佢試下做。」
身形好fit!(圖片:Christy IG)
(圖片:Christy IG)
撰文:羅慧怡
責任編輯:楊安莉