張致恒(Steven)去年捲入桃色風波,7月自爆做未婚爸爸,與圈外女友區燕雯(雯雯)育有一子張天寶。其後他被揭發一腳踏五船,以致形象插水,連累演藝事業叫停,連原本紅館演唱會都被踢走,最終他向各方道歉,又承諾會洗心革面,並於9月迎娶雯雯。
張致恒而家有仔萬事足~(圖片:張致恒IG)
(圖片:張致恒IG)
事件當時鬧得熱哄哄,張致恒除被指欺騙女生的感情外,還向多位女伴借錢,欠下不少錢債。當中「最大苦主」舊愛April向他追討10萬元欠款,無力償還的他最後厚着面皮,向好兄弟Kenny及「義氣仔女」鄭希怡(Yumiko)借約10萬還債。
相關新聞:【被斥賤男】張致恒公布娶粉絲生埋仔 正印April疑不知情「忽然世界末日」
{{hket:inline-image name="f048d4fe-6ac8-469a-b089-61d7b9bd7f3a_600.jpg"}}{{/hket:inline-image}}
(圖片:Kenny IG)
{{hket:inline-image name="gte.jpg"}}{{/hket:inline-image}}
(圖片:鄭希怡IG)
去年11月張致恒宣布老婆再度懷孕,大仔即將升呢做哥哥,成為四口之家。仔細老婆嫩,雯雯又就生得,張致恒為孭起頭家,賺多少少奶粉錢,去年底更放下身段到酒店做廚房散工。未知是否受疫情影響,各行各業重創,張致恒決定多方面發展,一於有得撈就咩都撈住先,近日他在IG上傳限時動態,表示「買車放車買樓賣樓搵我啦」、「為兩餐乜都肯制」等字眼,疑似轉行兼職做經紀。
相關新聞:【真係好生得】張致恒大仔未夠8個月榮升哥哥 日踩十粒鐘廚房炒散養妻活兒
{{hket:inline-image name="qqqq.jpg"}}{{/hket:inline-image}}
張致恒網上搵客(圖片:張致恒IG)
(圖片:張致恒IG)
張致恒就話自己現時有份正職工作,但都會做兼職幫補家計,而且要努力搵錢養兩個小朋友,為家庭負責,努力向前,做好自己。而去年於內地拍的兩齣網劇《倩女幽魂:人間情》和《仙書奇譚》,最近亦終於推出,興奮的他於IG連出三個帖文為作品宣傳,又表示劇集反應不錯,讓他大為放心。《倩女幽魂:人間情》由元華、徐少強、駱達華等人主演,而張致恒於劇中演出「知秋一葉」;至於《仙書奇譚》他更是擔大旗做男主角,相信角色都幾有發揮。
《仙書奇譚》劇照(圖片:張致恒IG)
《倩女幽魂:人間情》(圖片:張致恒IG)
張致恒除了養活一家四口外,仲要照顧太太三隻哥基犬,相信每月花費不少,因此亦有網民質疑他究竟有沒有足夠能力照顧好狗狗。對此雯雯亦忍不住為老公澄清,強調自己唔會棄養寵物:
「其實3隻狗我已經養咗7年,亦唔係結婚之後先養,所以(冇錢點解仲要養狗呢啲說話),其實唔適合放喺我老公身上。我對於我嘅寵物我係好執着,只要我生完bb有能力,我一定可以照顧番佢哋,我好想講我係唔會放棄佢哋,由一開始你選擇得照顧佢哋,你就有責任照顧佢哋到老,而唔係自己有問題就第一時間去諗放棄佢哋,就係因為有太多自私嘅人,因為自己呢一刻發生嘅事,而去犧牲自己嘅寵物,世界先有咁多被遺棄嘅動物。其實我覺得有問題有難題,咪諗辦法解決囉,剩係識諗去放棄啲乜嘢,唔係一個解決辦法!要動物去為你犧牲,會唔會顯得人類太冇用!」
(圖片:雯雯IG)
(圖片:雯雯IG)
張致恒自從跟雯雯結婚後,就努力洗底變顧家男,生活離不開工作及湊仔,IG經常曬家人合照,又會煮飯做家務,努力挽救形象。之前母親節他又甫老婆大肚獨照示愛:「辛苦你啦兩個孩子的媽媽,母親節快樂呀!」似乎現時所有心思都放在家庭呀!
(圖片:張致恒IG)
張致恒呢排落力做煮飯公(圖片:張致恒IG)
(圖片:張致恒IG)
母親節向雯雯sweet爆示愛(圖片:張致恒IG)
撰文:羅慧怡
責任編輯:楊安莉