一向甚少活躍於社交平台的馬國明，於2018年10月才開設其微博帳號與粉絲互動，直至昨晚，馬明終於開啟了Instagram帳號，並追蹤了25位圈中人和自己的專屬Fans Club，包括前女友胡定欣及契妹唐詩詠等，惟獨不見去年發生「安心事件」的前女友黃心穎；馬明接受《晴報》電話訪問時親自解開了未有追蹤黃心穎之謎。
相關新聞：【降魔的2.0大結局】小馬將豪仔打到灰飛煙滅勁催淚 四大伏線留第三輯揭曉？
（圖：馬國明IG）
（圖：馬國明微博）
熱愛簡單生活的馬國明，從來都有個人的生活模式，也不會隨波逐流。不過，今年46歲的馬明，卻是近兩年才追得上潮流，於兩年前才開通微博的他，昨晚在毫無預告下亦開設了IG帳號，並上載一張在鏡前撥弄頭髮的型仔相，他留言寫道：「新開始……我係馬國明。」令不少網民既驚且喜，16小時便吸引了逾4萬粉絲追蹤，果然厲害。有指身為唐老鴨忠實粉絲的馬明，特別選在昨天開IG賀唐老鴨生日。
（圖：馬國明官方國際影迷會）
（圖：馬國明微博）
(圖片：網上圖片)
(圖片：馬國明IG截圖)
馬明IG甫「開張」，不少圈中好友紛紛留言歡迎他，《降魔的》的拍檔胡鴻鈞即呼叫：「小馬！」並在ig story留言：「等咗二千幾年，小馬終於有Instagram！」有網民表示：「豪仔和小馬終於聯繫了，唔使驚再失聯了。」何遠東則留言：「邊個感化佢？#萬眾期待」蔡思貝謂：「呢個新開始，帶比（畀）呢個世界好多希望！將不可能變成有可能！」不過亦有網民半信半疑，留言反問：「真。馬明？」
(圖片：馬國明IG截圖)
(圖片：馬國明IG截圖)
（圖：馬國明微博）
（圖：馬國明微博）
不過馬明只追蹤了26個IG帳號，除了「馬國明官方國際影迷會」外，其他全部都是圈中好友，包括《鐵馬尋橋》結義的「鐵馬家族」成員鄭嘉穎、唐詩詠、林子善、黃嘉樂外，還有《降魔的》系列拍檔胡鴻鈞、黃智雯、何遠東，其他藝人包括佘詩曼、黎諾懿、岑麗香和舊愛胡定欣等，不過就未見他追蹤黃心穎。
（圖：馬國明微博）
（圖：馬國明微博）
馬明接受《晴報》電話訪問時，他笑指自己沒想過開設IG會有這麼多人followers，他說：「其實我唔知3.5萬人算唔算多？都係啱啱開。」他又稱過往遲遲未有開設是因為擔心沒時間更新，馬明說：「之前一路唔開係因為驚冇時間update，咁依家開得都會update嘅，大家想留意我動向嘅就記得follow我喇！」至於為何未有追蹤黃心穎？馬明就解釋：「我咩朋友都會follow，有好多朋友仲未搵到，依家慢慢搵，有啲帳號又唔知係真定假，又要好肯定係真人先敢follow，陸續都add緊嘅，所有朋友有機會都會add嘅。」
(圖片：黃心穎IG）
（圖：馬國明微博）
馬明自爆過往都有很多人提議他開IG，現在終於掟起心肝，他笑言：「可以幫吓手宣傳啦，又可以同啲粉絲接觸吓，都好嘅，好多朋友都叫咗我好多年，包括我經理人，甚至有啲廣告商都有叫我。」一向鍾情唐老鴨的馬明被指刻意在唐老鴨生日當日開IG，馬明笑笑口稱只是巧合。
撰文：倪小珊