【聲明】港生活網站並無進行電話推廣活動

開IG未追蹤黃心穎 馬國明︰肯定係真人先Follow

發佈時間: 2020/06/11

馬國明繼兩年前開設微博帳戶後,前日亦趁心愛的卡通人物唐老鴨生日,正式開設IG帳號。不過有眼利網民發現馬明最先追蹤的20多位圈中人,獨欠去年發生「安心事件」的舊愛黃心穎。馬明昨日接受《晴報》電話訪問時,解釋擔心add錯假帳戶,所以仍未加進所有好友。

馬國明IG前晚甫「開張」,即分享chok爆型仔相留言說︰「新開始……我係馬國明。」他的IG截至昨晚近九時,已吸引超過6萬名網民追蹤;圈中好友對他「出山」亦相當興奮,《降魔的2.0》拍檔胡鴻鈞在自己的限時動態留言:「等咗二千幾年,小馬終於有Instagram!」何遠東亦留言︰「邊個感化佢?#萬眾期待」。

馬明極速追蹤了20多位圈中好友,包括「鐵馬家族」鄭嘉穎、唐詩詠、林子善及黃嘉樂,還有《降魔的》胡鴻鈞、黃智雯、何遠東,以及佘詩曼、黎諾懿及舊愛胡定欣等,但未見另一前度黃心穎。馬明接受本報電話訪問,坦言沒料到外界反應大,更反問追蹤者數目是否算多。他說︰「之前唔開IG,係因為驚無時間update,依家開得都會update,大家想留意我嘅動向,記得follow我喇!」

未搵齊所有好友

未有追蹤黃心穎?馬明解釋︰「我咩朋友都會follow,有好多朋友仲未搵到,有啲帳號又唔知係真定假,要好肯定係真人先敢follow。我陸續都add緊嘅,所有朋友有機會都會add。」馬明笑言開IG後可以跟粉絲互動,至於揀唐老鴨生日「開張」,他笑說︰「只係咁啱啫。」

撰文︰倪小珊

編輯︰李潔盈

美術:梁政敏

開IG未追蹤黃心穎 馬國明︰肯定係真人先Follow

馬國明挑選照鏡靚仔相,向粉絲派福利。(IG圖片)

開IG未追蹤黃心穎 馬國明︰肯定係真人先Follow

黃心穎(左)(資料圖片)