【聲明】港生活網站並無進行電話推廣活動

同陳靜有出軌親熱戲 鄭嘉穎唔想大肚陳凱琳監場

發佈時間: 2020/06/12

鄭嘉穎昨日與朱晨麗、陳靜(DaDa)出席黃百鳴監製的新片《焚身》開鏡儀式,嘉穎在戲中飾演出軌人夫,更與情婦DaDa上演親熱戲,他笑言已向陀第二胎的老婆陳凱琳(Grace)備案,不過太太「粗身大細」,加上天氣熱,所以不想她探班監場。

鄭嘉穎在新片中本來擁有幸福家庭,但因背着妻子朱晨麗,搭上第三者陳靜,結果惹來「一身蟻」。嘉穎說:「因為DaDa嘅角色精神有啲問題,所以搞到好大鑊,幾乎家破人亡,所以呢部戲要畀已婚男士睇,作為一種警惕。」他透露與DaDa不乏親熱場面:「場戲只係比電視尺度激烈少少,我當然有同老婆(陳凱琳)備案,好處係老婆都係演員,會明白嘅。」

問到Grace會否探班監場?嘉穎即說:「始終大住肚就唔好,唔係好想佢周圍去,呢度(片場)咁熱,而且又危險。」他坦言為Grace的安全着想,當然希望對方留在家中休息:「不過老婆坐唔定,性格唔停得,覺得留喺屋企係浪費時間。其實佢自己都會有分寸,我哋互相尊重,我都明佢日日留喺屋企會悶。」提到大仔Rafael,嘉穎笑指囝囝年紀太小,不知道快將做哥哥:「囝囝仲講緊BB話,乜都唔知,我只係擔心佢會突然拍媽咪個肚,因為佢未明白媽咪肚裏有個小生命。」至於第二胎性別及預產期,嘉穎只笑笑口表示等待Grace公布。

否認代妻還劇債

另外,有傳Grace將不會續約無綫,專心相夫教子,嘉穎只表示不清楚:「老婆同無綫嘅合約(年期)應該仲有好長,你哋下次問佢。」有指他重返無綫拍劇,以頂替大肚Grace還劇債?他笑說:「呢個世界仲有父債子還嘅咩?你哋千祈唔好信。(返無綫拍劇?)一日未confirm嘅嘢,都有佢嘅可能性,適當時候就再講啦。」

採訪︰Pauline

攝影︰林良明

編輯:李潔盈

美術:梁政敏

同陳靜有出軌親熱戲 鄭嘉穎唔想大肚陳凱琳監場

陳凱琳早前宣布再陀B,即將組成一家四口幸福家庭。(資料圖片)