【聲明】港生活網站並無進行電話推廣活動

林嘉欣鍾意被老公糟質

發佈時間: 2020/06/15

林嘉欣與導演老公袁劍偉合作的新片《死因無可疑》前晚舉行謝票活動,兩公婆受訪時打情罵俏,袁劍偉笑太太愛被他糟質,嘉欣聞言即冧笑,表示老公只是想她在演戲上有進步。

林嘉欣與老公袁劍偉夫妻檔合作,袁劍偉大讚嘉欣演出十分精采,提到安排老婆在戲中扮老扮醜,他搞笑說:「佢鍾意被我糟質。」身旁的嘉欣聞言嬌嗔說︰「老公要打破我嘅美好太太同媽媽形象,認為咁樣先會令我成長。」

嘉欣在片中與黃秋生大演對手戲,她笑言拍攝時很緊張,更不慎打傷秋生。她說:「有場戲係我拎個手袋打秋生,但我唔記得之前放咗個暖水壺入袋,我仲用個袋係咁打秋生個額頭。拍完我先醒起有個水壺,即刻同秋生講一萬句對唔住,佢匿埋一邊捽咗個頭好耐。」

陳家樂鬚根拮親湯怡

有份演出的陳家樂與湯怡前晚亦有謝票,二人在戲中有激烈床上戲,由於二人份屬老友,拍完後竟「賽後檢討」。陳家樂笑說:「平時唔熟嘅對手,拍完就拜拜,但湯怡係咁問我覺得點,仲話我啲鬚拮到佢好痛,我聽完個心都乸住,好似我表現好差咁,所以叫佢唔好再講落去。」他取笑湯怡不懂享受男士的鬚根,問緋聞女友連詩雅是否很懂得「享受」?他即說:「無,我講一般女仔,無指定邊個。」

撰文︰Pauline

編輯:李潔盈

美術:梁政敏

林嘉欣鍾意被老公糟質

湯怡與陳家樂向來老友,拍床戲也會認真檢討。