陳少霞近日接受倪詩蓓的電台節目《詩情廿四味》訪問,主持重提當年有指陳少霞忘恩負義,離開一手栽培她的劉德華的公司,轉投電視台發展。陳少霞感激詩蓓提出,好讓她可以好好澄清一下,她解釋:「其實呢個完全誤會,我完全冇簽過電視台,第一個劇《總有出頭天》係藝能公司幫我接。拍《天與地》之後,天幕(華仔公司)當年賣盤去台灣,藝能同天幕係兄弟公司,所以我就安排轉去藝能。」
相關新聞:【就快蘇得】陳少霞42歲為老公佗第3胎 飛鳳標尾會再嫁8億富豪
(圖片:新城電台提供)
(圖片:新城電台提供)
(圖片:網上圖片)
(圖片:微博圖片)
當年《搶錢夫妻》中跟許冠文有不少對手戲。(圖片:陳少霞Facebook)
陳少霞直言性格關係,自己初入行時不太識得跟別人溝通,經常收埋自己。經歷過人生的低潮,失婚變單親帶女加上窮困,她開始識得思考人生,由於自己讀書時已經入行,所以靠多看看書來豐富自己。她說:「離婚後要照顧囡囡,面對好多轉變,呢個係我人生嘅沉思期,我睇好多書,幸好我個性樂觀,我當時同囡囡講:『雖然我哋係孤兒寡婦,但外面有好多人同我哋一樣,冇理由唔好好生活,一樣要開開心心。』雖然我畀唔到啲咩畀孩子,但我可以畀到一樣嘢,就係積極樂觀嘅媽咪。」
陳少霞回憶起失婚後的單親歲月,她直言想起都想哭,她說:「我記得囡囡讀小一,學校打電話嚟話佢發燒,當時即時接佢返屋企,其實我好惘然,但又唔可以喺個女面前驚。我煲啲粥畀佢食,然後同佢講:『唔使驚,食完粥,媽咪帶你去睇醫生。』但其實我只係得返幾十蚊,點帶佢睇醫生?當時又唔敢同我阿媽講。」後來她見到本存摺,原本儲蓄的錢是用來交幼稚園學費,幸剩餘些微,她說:「剩返幾百蚊,我即時拎去取消戶口,睇完醫生咩都唔理,剩返少少錢帶個女去連鎖快餐店食個扒先。依家諗返起覺得好開心,其實人生唔係順境先會開心,我唔視作唔如意,只係一個改變,讓我知生活係咩一回事,開心唔一定有錢,最重要係有愛。」
相關新聞:【黃日華太太梁潔華設靈】劉德華拖朱麗倩到場致哀 38年兄弟情始於「五虎將」
陳少霞再婚下嫁富商李文輝。(圖片:陳少霞Facebook )
囡囡好可愛。(圖片:陳少霞Facebook )
(圖片:陳少霞Facebook )
(圖片:陳少霞Facebook )
陳少霞感恩總算捱過了最艱難的日子,如今與富豪李文輝結婚,並誕下幼女,囡囡現時11個月大,都是由陳少霞落手落腳去照顧。陳少霞Facebook不時分享生活照,兩母女早前穿母女裝支持爸爸落區派防疫物資的活動,別具意義。陳少霞獲老公打本支持,以8位數字投資海味生意,見她推出的產品都以自己經典角色「雙兒」來做生招牌,禮盒相當美輪美奐。
主持人大讚陳少霞產後修身非常快又有效,陳少霞表示:「我覺得生完補身同坐月都應該要食足,唔好唔夠營養。之後就做返帶氧運動,我會打網球、散步、跑步等等,保持心境開心,同埋我就晚上六點後不會進食。」
(圖片:陳少霞Facebook )
陳少霞著返古裝再扮「雙兒」,為自己的海味生意做生招牌。(圖片:陳少霞Facebook )
(圖片:新城電台提供)
責任編輯:楊安莉