【仲未正式簽紙】郭碧婷被爆懷孕6個月全家錫到燶 向佐財產畀晒老婆只留2萬傍身

香港影視大亨向華強長子向佐, 去年同台灣女星郭碧婷於意大利舉行浪漫婚禮。二人因為肺炎肆虐分隔兩地，郭碧婷無法來港簽紙，因此一直未能結成合法夫妻，但絲毫不影響二人恩愛程度。今日就有台灣媒體報道，郭碧婷被影到現身於新北市街頭跟朋友行街，就算身穿寬鬆服裝，都遮不住個肚，明顯肚凸凸、腹大便便，估計約懷孕6個月, 相信佢現時係留喺台灣秘密安胎，向家即將迎來新生命，真係恭喜晒呀！

相關新聞：【72年第一次】向華強破例拍廣告上演父子對打 向佐肉麻表白：父親係我偶像

{{hket:inline-image name="005I43gtgy1g776o842q6j30qp0hsn1m.jpg"}}{{/hket:inline-image}}

（圖片：向太微博）

據台灣媒體報道指出，原本郭碧婷係希望喺台灣生BB，不過向太擔心新抱仔唔喺身邊冇得貼身照顧，加上好想第一時間見到個孫，所以安排郭碧婷7月返香港待產，仲同佢預約好醫院做好準備。

{{hket:inline-image name="671419afly1g8vhdsq6v9j21bw0xpkaw.jpg"}}{{/hket:inline-image}}

（圖片：郭碧婷微博）

其實自從郭碧婷同向佐去年9月舉辦婚禮後，都不時傳出佗B傳聞，但都被當事人否認。上月向佐曾在微博發文，貼出一張「兩大一小盆栽」嘅照片，稱「新成員報到」，網友都推測郭碧婷係咪懷孕，但冇耐向佐就將貼文刪除。而向太則在微博多謝大家「提早的恭喜」，但唔願承認郭碧婷已經懷孕，疑似想保護新抱仔，等佢安心養胎。

{{hket:inline-image name="65dd39d0-b02f-11ea-b7b5-b8d9e0afeea0.png"}}{{/hket:inline-image}}

向佐上個月上傳三棵樹疑似暗示有喜事（圖片：向佐微博）

雖然郭碧婷未正式入門，仍無阻向家上下對佢嘅寵愛。向佐日前現身直播，同主持比較銀行賬戶餘額，估唔到佢竟然得2萬人民幣。主持人好奇問工作收入去咗邊度時，佢就甜蜜回答：「放她（郭碧婷）那！」向佐又認為作為一個老公，咁做係應該嘅，話錢都交畀老婆保管，等佢有安全感。當向佐被問到人生中最高興嘅兩件事時，佢毫不猶豫回答：「第一是有我的父母，第二是有我的老婆。」真係好閃、好恩愛呀！

{{hket:inline-image name="005I43gtgy1gc7hn3pckuj32802yo4qq.jpg"}}{{/hket:inline-image}}

（圖片：向太微博）

{{hket:inline-image name="005xCrNDgy1g9w2ui1belj30u019149y.jpg"}}{{/hket:inline-image}}

（圖片：向佐微博）

至於向太陳嵐，多次表明當郭碧婷係親生女看待。之前郭碧婷喺微博貼出狗狗相片，委屈咁話：「身邊的人總是無下限的消費你，該怎麼處理好？放狗咬人？」似乎有冤無路訴，向太見到新抱仔訴苦，都即刻幫口保護佢，留言說：「我們在香港想妳了寶貝媳婦，台灣誰敢消費妳啊？告訴我，叫蕭敬騰的狗來一起幫你咬人好嗎？7月中我們全家去台北接妳過來。回家住！」明顯錫郭碧婷錫到出面呀！

{{hket:inline-image name="005xCrNDgy1g9yu33ty75j31240u0qgw.jpg"}}{{/hket:inline-image}}

（圖片：向佐微博）

{{hket:inline-image name="q.jpg"}}{{/hket:inline-image}}

向太心痛郭碧婷被欺負（圖片：向太微博）

撰文：羅慧怡

責任編輯：楊安莉