網上交友要小心！彌敦道某酒店驚現神秘櫃員機，吸引男士們乖乖投錢「進貢」，而一眾男士入錢後更在旁邊苦苦等候，不願離去。《東張西望》節目組接到觀眾Simon報料，稱有騙徒誘騙色迷心竅的男士, 購買虛擬貨幣和點數作為援交的交易金額，男士在櫃員機乖乖交出巨額金錢後, 援交美女卻失蹤，而他更是其中一名受害人，損失慘重！
相關新聞：《東張西望》外傭瞞住僱主非法賣淫賺外快 FB群組甫性感低胸自拍照吸客
{{hket:inline-image name="WTT.jpg"}}{{/hket:inline-image}}
（TVB影片截圖）
Simon稱在社交網站認識該女生，對方主動表示可以提供服務，並約在酒店見面：「佢係兼職援交，當時我見張相幾靚，所以就好有興趣答佢。」Simon到達酒店卻不見女生蹤影，只不斷收到短訊要求他先付錢：「個老闆打畀我，叫我去櫃員機買比特幣，」他聽從指示花$800買虛擬貨幣，入錢落對方戶口作為「肉金」，但女生卻遲遲未有現身。Simon其後再收到老闆電話：「講咗一大輪嘢，叫我再畀多$8000，先會叫個女仔落嚟，我就覺得係呃人嘅。」
Simon於網上識女仔慘陷援交騙局 （TVB影片截圖）
（TVB影片截圖）
騙徒要求先付錢才以見面（TVB影片截圖）
原來今次不是Simon第一次受騙，之前都試過網上交友被援交女騙幾萬元，不過上次對方是叫他買點數卡。Simon稱：「我喺Facebook見到個女仔幾靚，就加咗佢做朋友。一開始我買咗$1300點數卡，之後又叫我畀多$3000幾，佢話係保證金，服務完我之後會畀返我，係老闆想保障佢安全。」該女士假借保證金、風險金名義，一直哄騙他繼續買點數卡。Simon一心想同對方發生關係，結果他在同一日內，由下午二時轉帳至晚上九時，7小時Simon就「課金」$32000，然而仍然未能見到美人一面，最後更要向父母借錢：「我問朋友冇人肯借畀我，當時屋企人問我點解要借一萬，我就話係借畀朋友，佢哋都有提我小心啲唔好畀人呃。」
Simon之前已被另一騙徒呃了三萬多元（TVB影片截圖）
（TVB影片截圖）
（TVB影片截圖）
（TVB影片截圖）
《東張西望》攝製隊特地到Simon遇上騙徒的酒店櫃員機視察，只是短短半小時就有三個疑似受害人上鉤，其後攝製隊不忍再有人受騙，上前嘗試游說。而騙徒每次都會引誘受害人到酒店才行騙，騙局會否有內幕？攝製隊即將會親身直擊，要留意今晚的《東張西望》報道。
（TVB影片截圖）
（TVB影片截圖）
撰文：羅慧怡
責任編輯：楊安莉