小儀向和泉素行落閘「派檸檬」

阮小儀與日籍型男和泉素行合作拍香港開電視節目《酒勻全香港》，發掘本土小店及分享另類酒知識。二人昨日出席記者會，小儀離開無綫後，首次在其他電視台任節目主持，她坦言十分緊張：「以前喺TVB，好似日日返屋企；今次幫其他台做主持，好似同人『偷食』咁，晚晚去酒店，感覺幾好玩。」

至於和泉素行在香港居住多年，說得一口流利廣東話，他向小儀示愛說：「小儀係我女神，我願意同佢合作一世。我嚟香港住劏房時，係聽小儀嘅電台節目學廣東話，佢發放正能量，好鍾意佢。」但小儀聞言即拒絕對方：「你唔會追到我，我哋係好朋友，你唔係我鍾意嘅類型，同埋有朝一日你都會返日本。」採訪︰Pauline