陳奕迅英國留學靠哥哥保平安

陳奕迅（Eason）自上月開始，陸續在網上發布「MAMA WITH ME」系列短片，分享與家人的往事。昨日發布的新一集短片中，Eason提及當年因為怕死，曾拒絕赴英國留學︰「11、12歲時，知道有愛爾蘭共和軍會到處放炸彈，當時覺得去英國一定會被炸死，所以一直唔肯去，後來哥哥（陳澤迅）聖誕專程喺英國返香港，再同媽咪一齊陪我過去英國。」

Eason笑言留學期間幸得哥哥保護，免受欺凌︰「如果佢哋（同學）恰我，可能佢哋會受傷，因為佢哋恰唔到我哥哥，佢哋知Jason Chan猛料，唔好搞佢細佬！」不過Eason亦試過被同學「塞入」膠桶，但他回想被人欺負後，反而令自己更有幽默感。