【首次正面回應安心偷食】鄭秀文望與老公許志安一起承擔 「跌過一鋪勁嘅未嘗唔係好事」

去年4月，黃心穎被揭發搭上人夫許志安掀起「安心偷食」事件後，兩人事業重創，事隔14個月後，許志安日前正式亮相ViuTV節目《Chill Club》錄影，並面對傳媒和公眾，希望用信心、用行動去做得更好，暫時未知何時能夠正常復出唱歌，但起碼行出第一步。他在訪問中多次提到多謝太太鄭秀文（Sammi）的支持和鼓勵，令他在「錯誤傷痕」中成長。

相關新聞：【停工14個月】許志安正式復出憑歌寄意 「錯誤嘅傷痕我唔會忘記」

{{hket:inline-image name="800_a641fec81ffbe3584c058b6a23bc9591.jpg"}}{{/hket:inline-image}}

（圖片：東星娛樂）

鄭秀文今日為電影宣傳會見傳媒，首次正面回應「安心偷食」事件，約9分鐘的訪問中，Sammi顯得非常正面，亦喜見安仔能夠勇敢面對自己的責任，重新面對公眾和傳媒，絕非易事。對於安仔重新出發，她說：「一步一步啦，佢要出嚟面對群眾、世界，承擔自己係必要一步，冇預計幾時，不過咁啱有邀請，佢有問過我意見，不過始終要面對呢件事係佢、唔係我，我唔知佢心理準備如何，畢竟都1年幾，佢覺得ready喇，咁我就支持佢去做。呢個係重要一步，復唔復出、唱唔唱返歌係其次，經歷呢件事，你要重新面對自己、面對番咁多人，真係唔容易，呢個係好大心理關口，我戥佢高興，佢跨過咗。」

{{hket:inline-image name="25cd8bd6-c205-4b0b-82be-f3080ed35259.jpg"}}{{/hket:inline-image}}

（圖片：東星娛樂）

{{hket:inline-image name="ec31fa6e-b54f-4d61-8097-eaa03e1efec4.jpg"}}{{/hket:inline-image}}

（圖片：《晴報》資料圖片）

Sammi表示自己有重溫安仔受訪的片段，她認為最重要是從心而發，她說：「評語好難控制，觀眾有權去評論，有差劣評語都唔好介懷，你做好呢部分，其餘交畀上帝啦！」她形容安仔見人之後，感覺舒服了不少。至於兩公婆是否因這次風波，感情再邁進一大步？Sammi說：「冇話跨唔跨過，要一齊面對，唔係有事就推佢去面對，一對夫妻是旦一個出事就一齊面對，一個病咗，另一個就要照顧呀啦，呢個係婚姻關係入面要學習嘅階段。」她表示事發後很快就要面對演唱會，自己專注演出後，再慢慢在休息過程中梳理自己的情緒，最重要是因為信仰，幫助她解決所有的難關，她說：「聖經畀到智慧同答案我，我ok，大家唔使擔心我，幫我揼心口，信仰幫我好多。主要係讓時間過，傷風咳都要等時間好番啦，不過成個過程好自然，唔係孤單，我哋一齊去面對。」

相關新聞：【黃心穎繼續復出無期】許志安潛水一年多傳後日正式復出 獲老婆鄭秀文支持重新出發

{{hket:inline-image name="59444409_1064932313700941_6580717138237980672_n_600.jpg"}}{{/hket:inline-image}}

（圖片：鄭秀文微博）

{{hket:inline-image name="800_5bfca4931fe2a0ca07fa729cf5f73ff0.jpg"}}{{/hket:inline-image}}

（圖片：東星娛樂）

{{hket:inline-image name="800_bde36a7aaacca3977e86cd1b4512a7e8.jpg"}}{{/hket:inline-image}}

（圖片：東星娛樂）

Sammi表示事件令她變得更加成熟，而作為安仔的枕邊人，她亦看到安仔很大的改變，他說：「我作為身邊人，感覺好強烈，為觀眾未有咁快睇到，希望將來觀眾觀察耐啲，慢慢會睇到佢整個人更新咗。坦白講，摜一鋪唔係唔好事，我冇經歷以前『臭四』都唔會變成依家咁，人係一個階段，好大好痛咁跌一次、錯一次，令人可以重新去審視自己。當然，跌嗰吓真係好痛、好慘烈，不過如果改變係好嘅，回望轉頭都覺得係值得嘅。」

{{hket:inline-image name="da0ecc33-bdcc-4c99-8288-0fc94d49579f_600.jpg"}}{{/hket:inline-image}}

（圖片：黃心穎IG)

採訪：林惠珊
責任編輯：楊安莉