【聲明】港生活網站並無進行電話推廣活動

支持許志安復出 鄭秀文 :夫妻任何事會一齊面對

發佈時間: 2020/06/19

許志安自去年「安心事件」後「潛水」一年多,日前終現身ViuTV節目《Chill Club》正式復出,又表示重新出發,全因太太鄭秀文(Sammi)的支持和鼓勵。Sammi昨日宣傳電影時首度大談安仔,不但絕對支持老公踏出第一步,又坦言安仔「摜低一鋪」未嘗不是好事。

鄭秀文昨日與蔡卓妍(阿Sa)宣傳新片《聖荷西謀殺案》,談到許志安日前現身音樂節目時,一談Sammi即眼濕濕,問Sammi說了甚麼感動安仔?她笑說:「無刻意,大家住同一間屋,佢幾時出嚟面對群眾,都要自己承擔。佢有問我意見,我叫佢自己諗,當佢ready我就會支持。」她坦言安仔要重新面對外界絕不容易:「對佢來講係好大嘅心理關口,不過我好戥佢高興,因為佢跨過呢一步,面對咁多群眾同評語,真係唔容易。」

Sammi有看過安仔受訪的片段:「我叫佢要自然同真心,呢一年嘅嘢盡量表達出嚟,畀人明白佢嘅心路歷程。」她感到安仔踏出第一步後,對方舒服不少,問夫妻感情是否跨進一大步?她說:「唔敢講跨唔跨過,總之兩夫妻任何事都會一齊面對,是但一個出事,都要一齊承擔,正如一個人有病,另一個都要照顧佢。」

摜低一鋪係好事

Sammi強調慶幸得到信仰的支持,她笑言︰「其實我OK嘅,唔使擔心我。當時好彩全副精神放喺演唱會度,幫咗好多。」她表示事件後,兩夫妻成熟不少:「呢件事對安仔改變好大,作為身邊人感受好強烈,可能觀眾要慢慢感受同觀察。我覺得有時摜低一鋪係好事,好似當年我畀人叫『臭four』到依家,都經歷咗一個階段,雖然過程中會覺得痛苦同慘烈,但係變得更好都係值得。」她直言安仔現在變得更踏實,也認清生命中最重要的是甚麼。

採訪︰林惠珊

撰文︰Pauline

編輯:李潔盈

美術:顏玉玲

支持許志安復出 鄭秀文 :夫妻任何事會一齊面對

(左起)鄭秀文、鄭裕玲及蔡卓妍昨日錄影《Do姐有問題4》。

支持許志安復出 鄭秀文 :夫妻任何事會一齊面對

許志安日前公開露面,談到太太時眼濕濕。(資料圖片)