現任亞視副總裁林文龍，昨日重回無綫「娘家」宣傳主演的劇集《那些我愛過的人》。他透露太太郭可盈與女兒林天若是劇集忠實粉絲，晚晚追劇，有份「貢獻」收視。
林文龍昨日與黃翠如、連詩雅及陳自瑤等，到無綫電視城出席《那些我愛過的人》宣傳活動，眾人在台上大玩拳擊，又以劇中角色感情關係分組對壘，場面搞笑。對於劇集收視和口碑俱佳，林文龍坦言劇集播出以來，都沒有留意網民評論，又自爆其社交網帳戶都是由黃翠如幫他開設，拍完便沒有再跟進。
林文龍笑說︰「同一班後生演員開工有好處，就係可以自我增值，與時並進，依家有嘢要send出去，都係叫阿女幫我，佢係我秘書。」問太太郭可盈與10歲女兒可有收看該劇？他表示︰「佢哋晚晚都會一齊睇，係忠實粉絲，個女見到我出場就好興奮，佢哋有份貢獻收視。」
黃翠如爆唐詩詠大把人追
同場的黃翠如透露郭可盈有傳短訊鼓勵她，令她很感動；又指老公蕭正楠雖要趕劇，但回家亦會追劇支持她。翠如說︰「呢幾日好多同事同我講話好鍾意套劇，又話有某啲劇情感動到佢哋喊，讚我做得好，有幾個同事仲攬住我，好開心大家見到我嘅努力。」
談到馬國明宣布與湯洛雯拍拖，翠如笑說︰「阿蕭呢排同靚湯拍緊劇，成日見到馬明，但佢眼神唔係望住阿蕭，我哋喺公司梗係唔出聲啦！（唐詩詠嬲？）佢好開心就真，唔使再將佢同馬明拉埋一齊，大家唔使對佢有幻想，佢大把人追，我叫佢慢慢揀。」
撰文︰倪小珊
編輯︰李潔盈
美術︰顏玉玲