近日TVB以逆市筍工作招徠，希望吸引佳麗參加2020年香港小姐競選。當中2009年香港小姐最上鏡小姐袁嘉敏點睇近幾屆港姐？曾被傳轉行做OL的她，近況又如何？
袁嘉敏最近接受傳媒訪問自稱是「港姐叛徒」，她說：「我係港姐叛徒，如果真係同一間公司藝人投票選，應該叫選新藝人。代表唔到香港市民嘅意見，希望大家有個發表意見嘅平台，全民公投有意義啲...如果女仔去選係為咗拍劇，太膚淺。」她又認為以往每屆港姐都好深刻，但去年沒有睇，所以不記得冠亞季是誰，只知其他人一直說她同冠軍黃嘉雯撞樣。
(Yahoo TV影片截圖)
早幾年，袁嘉敏指很多電影劇本要求她裸露演出，但她不想觀眾只關注她裸露部分，又覺得影響她結交男友，有傳會退出娛樂圈做OL，惟她接受傳媒訪問時否認，她指現時大多北上拍戲，她說：「人哋搵我都係要裸露，我唔想一直露，想揀唔同類型角色。」除了拍戲，她亦開始拍片做YouTuber，如今頻道已有5萬人訂閱。
(袁嘉敏YouTube channel影片截圖)
{{hket:inline-image name="13.jpg"}}{{/hket:inline-image}}
(袁嘉敏YouTube channel影片截圖)
{{hket:inline-image name="14.jpg"}}{{/hket:inline-image}}
(袁嘉敏YouTube channel影片截圖)
現年35歲的她表示已有3年冇拍拖，更趁機大吐苦水：「你哋仲覺得我桃花旺？香港社會冇進步過，葉玉卿、鄭文雅都有大膽作品，啲人又覺得ok。可能冇機會展現自己另一面，嫁有錢啲又話你貪佢錢，嫁收入冇咁高，又話你要養佢。我性格文靜，但其實成日好坦白，但啲人就話我講大話，我要諗吓點先唔會咁灰。」
袁嘉敏是高學歷出身，她本來在世界頂尖名校墨爾本大學傳理系，父母於沙士期間要求她回港打工養家，故她只好輟學。回港工作一年後，她欲應徵TVB、有線新聞的助理編導，惟兩間公司只請持有學位的人。機緣巧合下她成為導演陳可辛助手，其後她寄信到香港大學叩門，成功入讀美術系。09年，她經吳君如提名選港姐。
(東星圖片)
TVB 4年，袁嘉敏主要當《東張西望》主持，只曾因Laughing嫂一角一度被觀眾讚賞，發展平平。之後她先後接拍電影《賭城風雲》、《豪情3D》等，15年接下王晶監製的三級片《鴨王》，半裸演出轟動一時。那時袁嘉敏同戲中演員何佩瑜、唐紫睿、杜汶澤等屢傳不和，當時她在微博呻苦：「唔好再利用我做新聞。」她還曾透過訪問透露自己爛桃花甚多，推卻過100單「飯局」，價錢由20至200萬不等，仲試過被的士司機、貨車司機發短訊性騷擾，令她壓力爆燈，認真慘。
(TVB電視截圖)
(TVB電視截圖)
(電影截圖)
入行多年，是非一直纏繞袁嘉敏，與她同屆的港姐，如劉倩婷、李姿敏已結婚生仔，難怪她心情一直咁灰！希望她早日找到真命天子吧。
撰文：張芷晴
責任編輯：楊安莉