未睇過周秀娜噴血寫真 姜濤尷尬：得閒去買

周秀娜與姜濤兩位偶像，首次合作拍攝ViuTV新劇《太平紋身店》，兩人在劇中有不少對手戲。笑問姜濤可曾睇過娜姐的寫真集或曾擁有她的人形攬枕？姜濤即表現尷尬，支支吾吾表示有聽聞過，而娜姐就作狀不滿大家暴露了她的年齡。

周秀娜表示很開心跟「小鮮肉」姜濤合作，問到兩人在劇中的關係，娜姐踢爆姜濤其實是一隻鬼，他死後兩人才結緣，娜姐笑言︰「姜濤做鬼也未免太靚仔。（下次想有感情戲？）今次係靈魂接觸，下次可唔可以見真身呀？」

提到兩位不同年代的「萬人迷」，問姜濤可曾欣賞過娜姐當年的噴血寫真集？當年十歲未夠的姜濤聞言後表示︰「聽聞過。（有睇過？）得閒去買。」之後跟他說娜姐當年推出1︰1人形攬枕，姜濤即刻左望右望，似乎不知道大家在說甚麼。記者提議娜姐今年書展再出攬枕，她笑言︰「出賣咗我嘅年齡啦！要推出紋身版寫真送畀姜濤留念，其實應該佢出寫真啦！」不過姜濤表示只會推出新歌，未有考慮出寫真集。

假紋身幾可亂真

娜姐在劇中飾演一位紋身師，每天要花1.5小時畫假紋身，每次落粧又要1.5小時，加上長時間拍攝引致皮膚敏感。至於姜濤則在劇中演黃德斌兒子，故事講他意外死亡後，搵娜姐紋完身便安心投胎，姜濤說︰「劇組嘅紋身幾可亂真，一度以為要真紋，但暫時唔會考慮紋身。」

採訪︰Pauline

攝影︰林良明

編輯：陳禮恒

美術：梁政敏