【鄧梓峰齊直播】陳芷菁重提《百萬富翁》甩轆瘀事 長髮為君留原來另有苦衷

陳芷菁近日開設自己的YouTube頻道，以「陳芷菁國際生活頻道」為題，跟大家分享她的資訊。而近日她跟好拍檔鄧梓峰獲邀請到網上節目「深夜吹水堂」上傾偈，兩人大談過往擔任直播騷司儀的難忘事。

相關新聞：陳芷菁患血癌險死 父中風腦肺癌離世 剖白女人不靠男人秘密

{{hket:inline-image name="chan1.jpg"}}{{/hket:inline-image}}

(圖片：深夜吹水堂Facebook影片截圖)

{{hket:inline-image name="chan2.jpg"}}{{/hket:inline-image}}

(圖片：深夜吹水堂Facebook影片截圖)

{{hket:inline-image name="chan4.jpg"}}{{/hket:inline-image}}

(圖片：深夜吹水堂Facebook影片截圖)

期間，陳芷菁在節目中竟然主動重提當年參與《百萬富翁》一事，大家還記得嗎？當年，陳芷菁獲邀請上亞視的《百萬富翁》節目，跟鄧光榮拍檔參與問答遊戲，到1萬元的題目時，問題問：「以下那部不是莎士比亞四大悲劇之一？」當時陳芷菁自信說：「我讀Drama呀！」可惜最終答案是錯，她亦一臉愕然。事隔多年，這個片段不時在網上流傳，陳芷菁亦親自開腔講：「我必需要講一樣嘢，大家記住無論任何問答比賽或選美，你哋要明白呢個係電視台製作嘅一個騷。第二點我的而且確真心話畀大家聽，我係錯咗。點解導致我錯呢，係因為我加拿大讀嘅，我真係唔知奧賽羅係Othello，我未見過嗰個字，我心目中《羅密歐與茱麗葉》係好慘呀，所以我認定係佢，其他三套嘅字我唔識。」

{{hket:inline-image name="chan.jpg"}}{{/hket:inline-image}}

(圖片：網上影片截圖)

陳芷菁直言自己成長了，事件教訓她不要再口快快答問題，她說：「之後有電視台再搵我做問答比賽，同陶傑嗰班勁人，我都推咗，我從此以後唔會再參加任何問答比賽。不過大家笑我，但你笑人之前，可唔可以諗吓如果你讀化學，可唔可以背返個Periodic table（元素周期表 )出嚟吖？如果你真係記得晒，抵嘅，你笑我啦！」而她直言由於片段中鄧光榮先生對她有無限信心，他一句「拍定手先」，亦在熱話之中，陳芷菁說：「鄧光榮先生已經走咗，我好尊重長輩，大家笑過就算喇！不過呢件都係一件好事，我被人笑過咪會醒啲囉！但點解呢樣嘢可以笑咁多年？」

相關新聞：鄧梓峰「自己申請」食「蝙蝠麵」 網民瘋狂改圖變「野味宴」

另外，陳芷菁提到不少網友都讚她的短髮造型夠晒爽朗，她說：「好多人話我短頭髮好睇，點解我留返長頭髮呢？我開始老喇，加上天生有黑眼圈同眼袋，如果我冇化妝，瞓喺老公旁邊，半夜三更佢起身會以為有個男人出現。其實人人結婚都係為取悅另一半啫。」陳芷菁和老公大律師張錦榮結婚17年，大家都老夫老妻，不過芷菁的考慮亦是貼心的表現。

{{hket:inline-image name="800_ac7a35bdd3ab7e716a25a8acfe42ab59.jpg"}}{{/hket:inline-image}}

(圖片：東星娛樂)

責任編輯：楊安莉