【矛頭直指滕麗名呂慧儀】馬蹄露姪仔爆「海產」藝員恰新人 陳豪同邊個有禮貌又提攜後輩?

馬蹄露姪仔兼YouTuber馬米高曾於無綫工作7年，自舊年初拍完《牛下女高音》就離開咗無綫，近日佢出新書《英文寫真》即係英文加寫真人真事，亦真係一本寫真！成本書都係爆自己經歷，加講相關嘅英文，由外國電影台、PR、老師、空少，到做演員，娛樂圈經歷係其中一個chapter，而其中兩章節講「娛樂照妖鏡」和「Seafood看人低」，揞名爆曾被資深女藝員冷言冷語。

{{hket:inline-image name="72776026_425906884793834_8333193927636583813_n.jpg"}}{{/hket:inline-image}}

（馬米高IG）

米高曾參演《愛.回家之開心速遞》，令矛頭直指該劇演員，有指書中所講嘅「Old Seafood」就係滕麗名、「海產」就係呂慧儀。

{{hket:inline-image name="a21ea0e35393456687b9e85556787b3fsaasftp20200221.jpg"}}{{/hket:inline-image}}

呂慧儀（左）與滕麗名（東星娛樂）

馬米高書中指被「Old Seafood」奚落，有次到書局拍外景，嗰日有兩場戲，中間有1小時休息，馬米高坐公家櫈休息，該位女藝員即面露不悅，出言單打，同身邊化妝師講「你做咩唔坐，依家畀咗唔知啲咩人坐」，嚇到馬米高立即起身道歉，不過該位女藝員仍咬住唔放，繼續同身邊化妝師講「下次你自己坐好喇，唔好畀唔知啲咩嘅人坐」，之後馬米高見其他工作人員都有坐呢張櫈，話原來喺「Old Seafood」口中，只有佢呢個「唔知啲咩人」嘅演員冇資格坐。

{{hket:inline-image name="3333.JPG"}}{{/hket:inline-image}}

（馬米高IG）

無獨有偶，2017年馬米高曾經拍《愛.回家之開心速遞》一場書局戲，佢當時仲Post相兼留言：「尚善？（滕麗名劇中名字）乜水呀。」仲Hashtag「假戲真做」同埋「蔑」，令人不禁聯想起係同一件事。

{{hket:inline-image name="3.jpg"}}{{/hket:inline-image}}

（馬米高IG）

另一次就係畀「Old Seafood」同劇拍檔「海產」恰，矛頭直指有長腳蟹之稱嘅呂慧儀。馬米高指「海產」女藝員鍾意扮導演，對其他人指指點點，又擅自改新人對白，要睇住其他演員有冇拍攝超時。而同劇亦有見義勇為的男演員「虎哥」，不屑「海產」欺負大台新人，開口為新人抱不平。

{{hket:inline-image name="70620625_733984173718066_4988704580545914837_n.jpg"}}{{/hket:inline-image}}

有豹哥之稱嘅單立文（左二）有地位又有牙力，唔知係咪就係佢口中嘅「虎哥」呢？（豹哥IG）

其實呂慧儀不時惹是非，有傳她曾發晦氣窒到娛樂新聞台女主播周佩婷離場，又有幕後爆她擺阿姐款，喝罵「群姐」許思敏、「池美麗」鍾凱琪與「陳師奶」孫慧蓮等綠葉。

相關新聞:《愛回家》呂慧儀被幕後爆料斥三宗罪 張景淳man爆撰長文維護對方

呂慧儀就事件回覆本報：「我跟馬米高印象中沒有對手戲，所以不太清楚。我不回應了。謝謝。」

馬米高回覆話講緊咩劇同乜人就等大家玩吓端午節競猜遊戲啦！仲話其實依家睇番都係一個好好嘅經歷，同唔同人相處都係要上嘅一課，好多謝佢哋入錢落佢袋！

{{hket:inline-image name="8b46595ad903f20bae3545c8db100487.jpg"}}{{/hket:inline-image}}

王祖藍（左）與陳豪（東星娛樂）

不過馬米高指圈中都有唔錯嘅藝人，好似陳豪同王祖藍，佢地對片場所有人都和善有禮之餘仲會提攜後輩。

撰文：黃蘊姿