馬米高出書 爆有女藝人專恰新人 呂慧儀：印象中跟他沒有對手戲

呂慧儀（長腳蟹）今年四月疑因不滿被採訪而喝罵電視台女主播後，昨日再捲入另一單是非。事緣馬蹄露姪仔馬米高出書，自爆曾在拍劇期間受到「Old Seafood」及拍檔「海產」的奚落和欺負，有指滕麗名及長腳蟹成為嫌疑人物，不過長腳蟹昨日回覆《晴報》時，聲稱沒印象跟馬米高有對手戲。

馬蹄露姪仔兼YouTuber馬米高曾於無綫工作七年，去年初拍畢《牛下女高音》便離開，近日他推出新書《英文寫真》，當中有兩章節〈娛樂照妖鏡〉和〈Seafood看人低〉，用揞名撕破「偽人」的面具。由於他曾參演《愛‧回家之開心速遞》，所以有傳書中的「Old Seafood」矛頭直指滕麗名，而「海產」就似是長腳蟹。

馬米高在文中提到有次到書局拍外景，休息期間他坐在公家凳休息，女藝員「Old Seafood」見狀即面露不悅，跟身邊化粧師說「你做咩唔坐，依家畀咗唔知啲咩人坐」，嚇得馬米高立即起身道歉，但「Old Seafood」再跟化粧師說：「下次你自己坐好喇，唔好畀唔知啲咩嘅人坐。」

另一單則踢爆「Old Seafood」同劇拍檔「海產」喜歡扮導演，對其他人指指點點，又擅自改新人對白，並計算其他演員有否拍攝超時。不過同劇男演員「虎哥」則見義勇為，開口為新人抱不平。本報昨日向長腳蟹求證，她回應︰「印象中我跟馬米高沒有對手戲，所以不太清楚。我不回應了，謝謝。」而滕麗名至截稿前仍未有回覆。

打工仔都會遇到

至於馬米高則回覆稱︰「咩劇同乜人就等大家玩下端午節競猜遊戲啦！其實依家睇番都係一個好好嘅經歷，同唔同人相處都係要上嘅一課，好多謝佢哋入錢落我袋！每個地方都好多old seafood，我諗好多讀者打工仔都會遇到類似嘅經歷，咁佢哋又畀到我生活例子，等我可以講下形容不同類型同事嘅英文，所以就放咗落本書度，我最想帶出畀讀者知嘅，就係學英文就好似我做茄喱啡咁，開頭一定會經歷少少苦，只要繼續畀心機，一路努力一路從中學嘢，就會愈嚟愈好。」

撰文︰倪小珊

編輯︰黃寶恩

美術︰Simon