Speedtest公布全球網速香港排第幾？寬頻上台4大着數/伏位你要知

疫情肆虐，多咗公司實踐Home Office，就算放假大家都多數留喺屋企上網、睇片、打機，甚至工作，而呢一切都同網速扯上關係。網絡測試網站Speedtest近日公布全球網速排行榜，比較世界各地嘅寬頻速度，大家又估下香港嘅網速排第幾？

今次Speedtest嘅排名中，原來香港一啲都唔失禮，寬頻網速排名世界第2，平均下載速度為176.70 Mbps，上傳速度為172.96 Mbps，延遲為15ms；而第1名新加坡平均下載速度為198.46 Mbps，上傳速度為207.17 Mbps，延遲為12ms，反而科技大國美國只係排第13，連澳門都跑贏佢（排第10）。

網速在香港是王道，卻不是全部。港人精打細算，上台除了睇網速，價錢及其他着數等等亦係重要考慮因素。究竟如何上台性價比最高？又有啲咩中伏位需要留意？

1. 新客最優惠，公屋居屋最實際
新客多優惠不用多解釋，電訊商為求吸新客一定各出奇謀；另外公屋居屋新客收費會比私樓便宜（有時公屋又會比居屋平）；而部分「特選客戶」（視乎各間電訊商而定）月費又會更低。

{{hket:inline-image name="0623WLfeaturepageokOK1.jpg"}}{{/hket:inline-image}}

2. 優惠/禮物雖重要，月費更緊要
無論有甚麼優惠或禮物，月費多少才是最實際。有時一些所謂禮物（如超市現金券、平板電腦、遊戲主機等）可能根本是轉嫁到月費上；而首次上台/轉台或搬屋亦要留意是否豁免安裝費及搬遷費。另外，部分電訊商會推寬頻連固網電話的優惠計劃，新上台人士可視乎實際需要選擇。

{{hket:inline-image name="0623WLfeaturepageokOK2a.jpg"}}{{/hket:inline-image}}

3. 網上登記，慳錢慳時間
以電子渠道登記可節省不少成本，對電訊商來說具成本效益，尤其是不用俾佣金。因此他們會將省下的成本轉成優惠吸引客戶，例如推出一些網上限定的優惠或優惠碼。如有意上台/轉台記得上網睇睇。

4. 真係要續，請拖到最後限期
續約通常會比新上台貴，仲要無咁多優惠，因為電訊商深知很多人都怕轉台麻煩或對其他電訊公司情況不清楚。如果真係懶得研究，請一路拖到最後關頭才續，因為續約部門都是和你玩「心理戰」，無論如何追問都話「已經最抵」，但往往到最後關頭又會突然浮出一些「特別優惠」，所以如果有耐性的話記得要拖。

編輯: 何本輝

接收全方位穩健財富管理資訊，請讚好「健康財富 Wealthy Life」Facebook：https://fb.com/Wealthylifehk/