陳凱琳29歲生日曬大肚寫真

昨日29歲生日的陳凱琳（Grace），早前宣布為老公鄭嘉穎再度懷孕，她昨日在社交網上載多張大肚寫真相，身穿一件頭肉色泳衣的她腹大便便，上圍明顯升級，但手腳依然纖瘦。Grace留言︰「The Best Birthday Present。今個生日特別有意義，除咗好感恩有一個咁愛錫我嘅屋企，嚟緊我哋嘅家庭將會迎接呢位小生命，心情好緊張，好興奮，好期待！我唯一嘅生日願望就係希望自己、BB，同埋身邊咁多位嘅朋友都健健康康！God Bless。」好姊妹龔嘉欣、岑麗香及陳瀅等均留言祝賀。

而陳山聰太太Apple早前在情人節宣布懷孕，她前日亦大曬黑白大肚寫真及留言︰「想不到由結婚到就嚟生BB可以一年內完成，非常之感謝上天，非常感恩沿途身邊有很多有經驗的好朋友畀好多意見及鼓勵我，令我在這個奇妙旅程入面並不孤單亦不徬徨。」