裕美同「十優港姐冠軍」麥明詩舊愛林作, 自前年傳出撻著，上年被踢爆同遊北海道，然後再爆出同居男方位處半山嘅3000幾呎豪宅，但佢哋依然否認戀情。近日二人終被目睹喺尖沙咀餐廳撐完枱腳，十指緊扣離開，見到有人經過就自動鬆手，林作當時否認同裕美拍拖，聲稱只係食飯。
(林作facebook page圖片)
後來裕美忍唔住向傳媒大方認愛，自爆原先因林作外表、髮型、說話，一度懷疑佢係黐線，覺得佢學歷高唔係大晒，十分討厭，後來因為有事情發生而得到林作幫忙，令佢對林作改觀。佢話大家一齊咗一段時間，仲話林作寵到佢變公主，大讚對方係最好嘅男人。
林作方面，則表示自己受上一段戀情影響，好怕回應戀情，驚會被視為炒作、借女方上位及引來網民批評，所以表明唔會回應任何緋聞。但昨晚近深夜12點，林作突然出長文回應戀情兼護花，佢話唔少人，包括自己媽媽都歧視失婚女性，再力撐裕美從來無婚外情，反指港人思想狹窄。之後，佢表示多年來網民都歧視裕美會考0分，佢本人反而好鄙視狀元去做醫生，覺得好膚淺。最後佢讚裕美近乎完美，係佢呢生人遇過最善良嘅人。
(林作facebook page截圖)
多年來，裕美同林作一直都係話題之人。現年31歲嘅裕美入行17年，試過同張彥博傳到就嚟結婚，被指因為佢同鼓手鄧應祈喺車廂激嘴而令婚事告吹。其後裕美否認同張彥博拍拖，只承認鄧應祈係佢男友，惟二人喺2013年分手收場。同年，裕美同圈外人林恩浩結婚，不過結婚兩年幾，佢就被指背夫出軌戀上黃子恆。其後裕美話同老公搞緊離婚手續，只承認同黃子恆拍過拖。2017年，裕美同混血兒Alex拍拖，當時佢揚言唔排除再婚，惟一年後宣布分手。同年，裕美同林作傳出緋聞。
(網上圖片)
至於林作同麥明詩有過一段3年情，分手後，佢喺17年透過飯局認識裕美，當時佢已經好欣賞對方，喺社交平台撰文大讚對方幾好：「除咗樣靚身材正啲行嘢外，佢真正令我著迷係......識Do」林作仲形容裕美係「香港清泉」，坦言：「點解夠薑表白？...佢男友係鬼佬，睇唔到嘅。」之後裕美邀請林作做直播節目嘉賓，林作忽然講：「橫刀奪愛，絕對冇問題！我阿媽細個就教我，喜歡嘅，就去搶！」因為當時裕美仲同緊Alex拍拖，一度有傳林作係第三者，惟裕美否認。
(林作facebook page截圖)
每朝索取《晴報》：精明生活．健康家庭．開心娛樂
撰文：張芷晴
責任編輯：陳小芝