厚德街市買餸遇古惑檔主 主婦畀足錢反被指唔夠 醒目丈夫一個破綻拆穿詭計

購物找贖小心詭計騙財！一名主婦日前到厚德街市買餸時，檔主收錢後再叫事主「加碼」，本來付2張20元紙幣買36元餸菜應可獲找贖，惟事主卻被指僅付30元。事主一時之間無從反駁，也難以證明自己曾付40元，幸其醒目丈夫留意到店主一個破綻，令檔主無從反駁，成功拆穿今次騙財詭計。

一位主婦昨日（23日）下午在Facebook群組「將軍澳主場」發文，表示自己當日與丈夫到坑口厚德街市買餸，期間二人光顧一菜檔，打算以30元購買4扎露荀，事主遂付上2張20元紙幣予女檔主找贖。對方喻事主「要多扎通菜」，指合共36元。

她答允買多一扎通菜，期間對方要求她多付6元，她則表示「冇散紙」，未料檔主突從錢籃裡拿出20元和10元紙幣各一張，聲稱事主「頭先畀咗30蚊仲爭6蚊」。

對此，事主表示印象中自己已付2張20蚊紙，但檔主卻大聲指責，更「講到似層層」。事主聞言望向檔主錢籃，發現裡面只得2張20元紙幣、一張10元紙幣和「大餅」。此時，事主丈夫終忍不住開口：

「阿姐你睇清楚啲銀紙先講啦，你咁樣呃人都有嘅，我老婆畀你啲銀紙係捲埋一舊㗎，你睇吓張10蚊紙幾直。」

事主補充指，自己習慣使用散紙包「就咁塞啲錢入去」，錢包裡的紙幣理應是「卷埋一舊」，幸丈夫留意到檔主拿出的10元紙幣沒有卷摺痕，才識破對方疑似騙財詭計，形容對方聽後「即刻『笠水』淨係口噏噏」。

「好彩我老公喺度，否則我又畀人呃咗10蚊。」

不少街坊和網民看到帖文後，紛指摘涉事檔主「唔老實」 ，並勸喻「買嘢畀錢，要話畀檔主知畀幾錢佢」；亦有人分享自己的經驗，「上次我喺寶琳街市買蟹130蚊，畀咗$500佢，佢找返270，我望住手中嘅錢，大約5秒，店員眼（神）閃閃縮縮，我問佢，好似唔啱數，跟住先還100給我，仲話錯咗添！」、「喺間乾貨雜貨舖買26蚊嘢畀40蚊找少10蚊，我同佢講我是畀40蚊你，佢唔理我，我再講多次，佢先叫我等陣，點知找錢時發晒脾氣話我黑佢面，畀人踢爆咗搵嘢鬧我，已是第2次找少錢！」

每朝索取《晴報》：精明生活．健康家庭．開心娛樂

撰文：蘇麗儀