電影《沉默的羔羊》成為經典，恐怖唔再淨係界限於鬼同喪屍，而係心智正常嘅人嗜吃人肉，打開另一個層次嘅恐怖。
安東尼鶴健士演得入木三分。（《沉默的羔羊》截圖）
然而, 咁恐怖嘅情節唔係淨係發生喺電影入面，現實世界中「日本食人魔」（Japanese cannibal）佐川一政（Issei Sagawa）槍殺白人女同學後姦屍，更食佢嘅屍肉，最後竟然無罪釋放，整件事都非常離經叛道，令人心寒。
（網上圖片）
1981年佐川與荷蘭女同學Renee於巴黎一間大學學習，佐川迷戀Renee，邀約芮妮到佢嘅公寓共進晚餐，晚餐過後，佐川向芮妮告白求愛，但遭到拒絕。
受害人Renee。（網上圖片）
之後佐川趁Renee在朗誦詩句時，從背後朝佢頭部開槍，更恐怖嘅係佐川試圖直接啃咬屍體嘅臀部，但發現好難咬開，於是將佢臀部切成小塊。佐川曾在訪談中形容人肉食起嚟「柔軟無臭」，口感絕佳有如生魚片。之後佐川更姦屍並肢解部分屍體，再將屍塊放雪櫃供之後持續「品嚐」。
（網上圖片）
佐川遭逮捕後宣稱有精神病，被移送至巴黎精神病院，佢爸爸更將佢引渡返日本醫院治療。日本警方逮捕並起訴佢，但因法國警方以不能遞交放棄起訴者資料為由，拒絕將搜查資料交畀日本警方，最後因證據不足獲釋。
（網上圖片）
之後佐川以自由之身上節目接受訪談，大講佢嘅食人經歷，更出版了4本食人幻想小說和一本食人詩集，成為了日本著名美食家雜誌的專欄作家，仲客串好多電視劇同電影，包括於AV中演出有性虐待癖嘅偷窺狂。
(網上圖片)
佐川曾自述身高僅152cm嘅佢自細就相當自卑，但對金髮高大白人女性異常迷戀，覺得如果食咗佢哋嘅肉，就可以吸收佢哋嘅力量。
童年嘅佐川與佢嘅弟弟。（網上圖片）
而電影《食人錄》透過佐川一政同佢弟弟佐川俊嘅對話，探討兄弟倆壓抑的本能慾望及外界未曾接觸過嘅精神世界。影片獲得2017年第74屆威尼斯影展「地平線單元」評審團大獎。
（網上圖片）
不過佐川一政亦落得晚景淒涼，2013年佢腦中風後失去了生活自理能力，生活起居交由弟弟照顧，只靠救助金度日。
撰文：黃蘊姿
每朝索取《晴報》：精明生活．健康家庭．開心娛樂