呢排TVB深夜播緊《天涯俠醫》，林峯喺劇裡面飾演心臟科醫生齊百恆，因為同張家輝調轉咗背包，機緣巧合下成為無國界醫生，身為富二代嘅佢一直暗戀唐寧，成日會做好多事討佢歡心。雖然林峯嗰陣只係得25歲，塊臉都仲有啲嬰兒肥，不過著起醫生袍上身都似模似樣。琴日（24日）有網民就喺討論區開帖文，本來想指責林峯外貌不佳，但係下面留言清一色為林峯抱不平，好多人都讚佢愈來愈靚仔。
(TVB電視截圖)
{{hket:inline-image name="123.jpg"}}{{/hket:inline-image}}
(TVB電視截圖)
{{hket:inline-image name="138.jpg"}}{{/hket:inline-image}}
(TVB電視截圖)
林峯喺1999年入行，入行第3年已經憑《尋秦記》嬴政一角成功獲得觀眾注意，兩度獲得馬來西亞視帝，係該獎項最年輕嘅得獎者。嗰陣佢膚色比較黑，網民話佢同初出道嘅麥包竟然有啲似樣！
(TVB電視截圖)
{{hket:inline-image name="12.jpg"}}{{/hket:inline-image}}
(TVB電視截圖)
(討論區截圖)
之後就要講林峯喺《大唐雙龍傳》飾演寇仲嘅造型，當時佢依然未完全修身，不過臉型已經削番唔少。當時佢同吳卓羲兩個好有型，喺劇中仲要有水中露股一幕，吸納咗唔少女粉絲。
(TVB電視截圖)
{{hket:inline-image name="14.jpg"}}{{/hket:inline-image}}
(TVB電視截圖)
{{hket:inline-image name="22.jpg"}}{{/hket:inline-image}}
直到林峯喺《溏心風暴》做Alfred一角就經典喇，當時嘅佢已經冇晒嬰兒肥，輪廓分明，加上西裝骨骨，真係迷死唔少女觀眾。喺劇裡面，林峯係一個背叛鍾嘉欣，偷食佢好姊妹蒙嘉慧嘅負心男，不過網民就話因為佢太靚仔，搞到大家睇劇嗰陣唔止冇咬牙切齒嘅感覺，反而想叫鍾嘉欣原諒佢。
(TVB電視截圖)
{{hket:inline-image name="16.jpg"}}{{/hket:inline-image}}
(TVB電視截圖)
{{hket:inline-image name="19.jpg"}}{{/hket:inline-image}}
(討論區截圖)
最後不得不提林峯喺《使徒行者》嘅造型，佢喺劇中飾演爆seed，35歲嘅佢勁有男人味，同釘姐佘詩曼好鬼襯。
(TVB電視截圖)
唔止外型剎食，有網民就指林峯家底仲好好。冇錯，林峯爸爸林華國係廈門最大地產商之一，有「廈門李嘉誠」之稱，同邵逸夫同獲頒廈門巿榮譽巿民，家族財產估計至少20億。不過林峯曾經澄清入行第2年已開始賺錢養家，喺2014年，喺歌影視發展得好成功嘅佢更加以年收入2,460萬人民幣打入2014年福布斯中國名人榜第53名。一個靠自己，又靚仔嘅富二代，又難怪得到咁多網民鍾意，希望佢返嚟TVB拍劇啦。
不過依家林峯正喺大陸忙於拍攝由王晶執導嘅新版《倚天屠龍記》，據知佢佔戲極重兼打戲極多，但大部分佢都親身上陣，非常專業。有指佢同樊少皇對打嘅戲分中，整親膊頭肌肉，一度需要停工，急請醫師去拍攝現場幫佢醫治同針炙。王晶接受訪問時就澄清林峯冇受傷，只係太攰同唔舒服。好彩林峯冇整親，否則傷到靚樣，到時心痛嘅唔止係一班網民、粉絲，仲有佢老婆張馨月呀！
▼最新近照
(林峯微博圖片)
每朝索取《晴報》：精明生活．健康家庭．開心娛樂
撰文：張芷晴
責任編輯：陳小芝