《靚妹仔》重映 溫碧霞：套戲改變我一生

溫碧霞（Irene）與麥德和主演的1982年電影《靚妹仔》復修版前日重映，兩位主角前晚出席VIP場，Irene坦言憶起不少拍攝時的往事，又表示當年只得15歲，她更從此愛上演戲。

溫碧霞與《靚妹仔》男主角麥德和前晚出席復修版重映場，二人提到這部38年前的作品，均相當感觸。Irene表示電影是她出道首部作品：「拍嘅時候我得15歲未成年，係自己最反叛嘅時候，好想有自己嘅自由，無諗過喺街被星探發掘。」她表示《靚妹仔》改變她一生：「我生命從此同以前唔一樣，我愛上咗演戲，個人又乖咗。當時屋企好窮，所以我好想搵錢幫到屋企。」

Irene笑言拍攝時最難忘幾個女主角在片場整蠱麥德和，麥德和聞言笑說：「嗰時嘅男仔女仔好純情，我掂下女仔隻手，都會面紅。」他們透露，片中不少場口都是偷拍得來，例如在港鐵跳軌及在海底隧道截停車輛等，所以觀眾看到的每個鏡頭都很真實。

遺憾演員各散東西

Irene坦言沒想過《靚妹仔》當年上映時，不但有過千萬票房，自己亦提名金像獎「最佳新人」。她拍攝時與戲中幾位主角成為好友，可惜之後各散東西，戲中一位演員葉璇現時已經出家。問她會否考慮以製作人身份重拍《靚妹仔》？她說：「應該唔會，因為實在太經典，老公當年喺外國，應該無睇過我呢部戲嘅演出。」

撰文︰Pauline

編輯：李潔盈

美術：梁政敏