【真假花膠】主婦滾花膠後雪過夜驚變「大菜糕」 專家拆解大小花膠浸發方法大不同【附花膠燉鮮奶食譜】

處理花膠步驟繁多，一子錯，滿盆皆落索。日前有網民發帖求救，稱已跟足網上教學浸發花膠，先煲滾再放入雪櫃放一晚，惟翌日發現花膠驚變「大菜糕」，原打算用以燉鮮奶，最後不知如何是好。有海味專家表示，事主使用的浸發方法不當，建議可用簡易2招浸發花膠，並提供簡易食譜，在家也能輕鬆做出養陰潤燥的「花膠燉鮮奶」。

本周三（24日），有網民在Faceboook群組「今晚煮乜好」發帖及照片求救，稱她本打算煮「花膠燉鮮奶」，故參考網上教學做法，她於前一晚用滾水煮花膠3分鐘，之後「原煲攤凍，放雪櫃焗一晚」。她打算翌日早上再「啤水」沖洗花膠，怎料打開煲蓋後，便發現花膠凝固變成「大菜糕」，故向其他網民求救。

錯用浸法方法致花膠溶化

「大澳日昇海味」負責人接受《晴報》訪問時表示，從照片所見，估計事主使用的花膠是「扎膠」，雖然頭數較大，且比較薄身及細小，但仍屬真花膠。

他又指，事主參考的浸發方法為較大型花膠而設，當花膠本身較硬或者厚身，才需要乾蒸或用滾水浸。他解釋，由於事主的花膠較薄及細，所以當她將花膠以滾水煮3分鐘，會令花膠最表面的骨膠原受熱溶化，

「我哋會叫做『花膠瀉身』或者『溶咗落啖湯到』，變相等於已經煲湯，膠質溶咗喺滾水到。」

他續指，事主把花膠原煲放入雪櫃後，翌日發現變凝固，原因是膠質已經凝結，

「好似我哋平時飲淨啲湯放入雪櫃，佢都會凝結，只不過今次係花膠水而唔係老火湯。」

簡單2步浸發花膠

對於事主所買的薄身花膠，或是頭數較多、約20至40頭數的花膠，「大澳日昇海味」負責人建議可跟從以下2步浸發：

1. 先清洗花膠，再加水放入雪櫃蔬菜格浸一晚。

2. 用薑及蔥汆水（飛水）。煮滾薑蔥水後，熄火開蓋，放入花膠待涼約10分鐘。

*注意：切勿開火滾花膠 / 關上煲蓋，避免「花膠瀉身」。

花膠燉鮮奶食譜

材料：花膠 數塊、水 半碗、鮮奶 0.5升、紅棗 4-5粒、冰糖 2-3粒

步驟：

每朝索取《晴報》：精明生活．健康家庭．開心娛樂

精選健康知識，盡在 Healthy Life 健康男女
https://fb.com/HealthyLifeExpress/

撰文：賴天兒