【真．海鮮價】大圍買海鮮遇古惑檔主 疑趁畀錢「閃電換牌」加價 街坊睇穿破綻當面拆穿

近日有大圍街坊買海鮮時，竟遇上「真．海鮮價」，一位男士指早前光顧大圍一海鮮檔時，當自己「睇中」某海產準備付款後，對方懷疑暗中反轉價錢牌，令價錢迅間由$40變成$45，認為有關手法不老實，今日特意到場觀察及踢爆對方，不過店方則堅稱價錢無錯。

一名男士今日（26日）下午在Facebook群組「大圍友聯盟」發帖，指自己過往於大圍區一間海鮮檔買海鮮，該對男女店主在他選中海產後，會突然加價。他今日再到該海鮮檔觀察，發現當自己向男檔主說明要某種海產後，即使價錢牌已列明$40，都會突然變成「海鮮價」，

「佢地會博你攞錢時，好快手反轉個牌，跟住收你 $45。」

事主決定即場踢爆，對方卻堅稱只是「唔小心反轉咗」，後來惱羞成怒，大聲喝問「你要唔要？係$45先啱！」，事主最後只好離去。

事主又指，估計已有不少長者及主婦「中招」，呼籲街坊付款時記得留意價錢牌，

「之前都會話唔好意思，識做收返平個價錢。大家留意有啲價錢牌係兩面，差$3至5，100%係等你攞錢時，用老千手法反轉去貴嗰面。」

帖文隨即引起不少網民熱議，多人表示有相同經歷，「我都覺得佢哋唔老實...試過被呃」、 「之前已經係用呢種手法，估唔到而家轉咗新舖都係咁」；亦有人指該檔主不僅價錢不老實，而且不足秤，「上次買蝦我話要半斤，佢話食多少少然後收$50，返到屋企磅連半斤都無，得227g」。

每朝索取《晴報》：精明生活．健康家庭．開心娛樂

撰文：賴天兒