裕美2016年被指偷食黃子恆，不過事後裕美指係角度問題，黃子恆只係工作上朋友。之後更因為咁驚爆裕美搞緊離婚，佢當時指係「性格出現問題」，佢哋之間冇第三者出現。
（東星娛樂）
林作與裕美早前公開認愛，全城都唔睇好之餘，就連林作媽媽都表明唔接受「美作戀」，話希望阿仔搵一個條件好，「身家清白」嘅女仔。不過林作就阿媽嘅說話都唔聽，力撐女友，經常喺社交網出post護花。過往嘅情史「累事」，令到佢形象長期喺谷底，日前裕美都終於忍唔住為自己平反，寫下有理有節嘅千字文，都有唔少網民撐佢同埋表示相信佢。
相關新聞：【認收求婚戒指】裕美堅守戒條拒絕婚前性行為 感謝男友林作尊重並開腔維護
二人愛得黐纏，但就得唔到祝福。（網上圖片）
裕美首先對自己被標籤「失婚」表示不滿，話失婚就好似佢個姓一樣永遠離不開佢個名：「失婚有罪嗎？我出軌？我的婚姻早已有名無實，大家永遠憑著八卦新聞判斷我為人。」
裕美（東星娛樂）
裕美指自己當年係遭到前夫林恩浩先生抹黑，指裕美使咗佢好多錢，但裕美反駁前夫當年只有＄12000月薪，婚後所嘢都係AA制。裕美更爆出當年曾多次被家暴才要求離婚。而前夫更係不斷恐嚇佢, 如果同傳媒講就唔會簽紙離婚，因為怕影響佢聲譽，同埋工作上嘅升遷。
裕美與前夫（東星娛樂）
裕美更表示佢唔怕同男方對質：「今日的我，唔會再好似以前咁唔作任何回應，食死貓！從前我為了保護對方聲譽，就算不能一起都希望對方過得好就好，到最後只有我一個人獨自承受輿論攻擊。現在，我邀請所有傷害過我的人出來和我對質，看看到底是誰賊喊捉賊。」
「原來我多次被男方打，誣蔑，大眾卻完全視男方沒問題？公平嗎？香港人思想，原來還在停留在古代！」
（東星娛樂）
裕美為自己多年嚟嘅負面形象平反，指自己並唔係大家「不守婦道」嘅女人，認識佢嘅朋友就會知道佢對每段感情都係過於認真。
裕美離婚後曾公開同老外男友嘅戀情，可惜最後都係未能開花結果。（網上圖片）
從小父母離異，令到裕美立志21歲就要建立自己嘅家庭，不過裕美表示都係因為咁令到佢失去自我：「我以為只要你做得好，對方就會愛你，認定你，會跟你行到最後！時至今日我發現，如果我這樣做對方就愛你，若你不夠好對方就不愛你，這都是很條件性，並非愛你這個人，而是喜歡你為佢所作的，日子久了，便會覺得你這樣做是應該的。到一天，我向對方說岀感受，對方便指責我變了，開始有要求，很麻煩！開始向我發脾氣！原來永遠都是我遷就人，對方卻不能夠接受我的。
「原因是我不夠愛自己，連自己都不𢤦得愛，人家都不會愛你。」
（裕美IG）
佢最後寄語女仔一定要好好愛自己，唔好自貶身價：「一個真正愛你個男人，無論你是如何，他都一樣愛你，也不想你為佢做太多，因為他不忍你勞累，一個真正愛你的男人是會保護你，把你捧在手心上，愛錫你！」
（《晴報》獨家圖片）
撰文：黃蘊姿