【同甘共苦？】失業夫3份兼職做足7日養家 全職媽媽拒辭退家傭或搵工：想老公搵多份夜晚炒散

新冠肺炎疫情打擊香港乃至全球經濟，不少家庭支柱頓失工作而令家中經濟陷入困境。一名兩孩港媽近日向友人吐苦水，指丈夫兩個月前失業後做3份兼職養家，雖然一星期做足7日，但收入大減，因而希望對方「搵多份夜晚炒散」。然而，當友人建議她辭退家傭或重返職場幫補家計時，身為全職媽媽的她不但拒絕，更大發雷霆與友人「反面」，令友人感到十分無奈。

一名女網民上周四（25日）在網上討論區「親子王國」發帖，指她有一名友人為40多歲的全職媽媽，有一對分別9歲及11歲的子女，「大學畢業㗎，以前做OL，酒店禮賓部行政，結婚就冇做」。對方丈夫失業兩個多月，

「朋友（港媽）每幾天便打來呻，埋怨個老公搵唔返之前的人工水平。她老公失業後現在做送外賣+兼職速遞員+星期六日揸uber，加埋有$25,000左右。」

她指出，友人丈夫失業前月薪為32,000元左右，由於一家人所住700至800呎連天台的村屋為祖輩留下，不用交租亦不用供樓，「所以老公份人工比較好使」。然而，自對方丈夫失業後收入大減，友人便覺得「而家少咗抆抆緊，好唔開心」，

「想個老公搵多份夜晚炒散，問我有冇識人介紹。」

由於友人的子女年紀漸長，她便建議友人「一係cut咗屋企個工人，一係佢自己搵份part time」，無奈均被對方拒絕。更甚者，對方竟然因其建議而大發雷霆，

「點知佢嬲咗我……話我唔想幫佢，只係想推佢出去做工……我同佢講：你老公做幾份，你都做返一份半份好應該啫，頭家大家都有份……結果佢更嬲，block（封鎖）埋我。」

此事引來網民熱議，不少人認為該名港媽自私，未能與丈夫同甘共苦，「佢自己嘆死，老公做死」、「根本就虐待老公」、「好明顯你朋友習慣咗畀人養，連幫吓個老公都唔肯」、「無做嘢仲請咩工人？9歲同11歲都好多嘢自己搞掂」、「嘩，懶到咁，祝佢老公好運」。同時，不少網民又認為樓主即使失去此朋友亦不需介懷，「係咁㗎啦，想取暖點知失敗梗係嬲咗你啦」、「block咗仲好啦，佢都唔係你朋友，唔使煩」。

不過，亦有網民表示：「個老婆心態咁差嘅，就咁睇佢老公好可憐，不過一家唔知一家事，可能大家傾掂數呢。」對此，樓主亦表示同意：「咁又係……我哋外人一家唔知一家事，我唔識佢老公，了解唔到佢感受……希望佢不會太難受啦。」

每朝索取《晴報》：精明生活．健康家庭．開心娛樂

責任編輯：李凱晴