【聲明】港生活網站並無進行電話推廣活動

淺水灣全新教學活動中心 玩LEGO培養小朋友創意 DIY SLIME減壓好療癒

發佈時間: 2020/07/02

主打以LEGO Education學STEM,及DIY SLIME(鬼口水)工作坊的EAV Education House(STEM),早前落戶淺水灣,中心希望透過有趣的互動教學模式,以寓教於樂的方式激發小朋友的創意,訓練他們的邏輯思維。《晴報》派出小小編Gianna試玩,親子同樂之餘,小朋友更可盡情發揮創意小宇宙。

中心着重培養小朋友的思維,課程均以LEGO Education作為教學骨幹,並融合STEM理念。「我哋課程以年齡分組,由淺到深畀佢哋慢慢學習科學、工程、機械嘅概念。」中心總監楊茹庭(Sean)接受《晴報》訪問時介紹,「3至4歲學砌LEGO,5至8歲就會設計機器人、學習用唔同嘅軟件。」較高階的課程,學生甚至能夠學會自己編寫程式,在iPad上遙距控制機器人移動。小朋友更可參與各類大型比賽,例如國際奧林匹克機器人大賽(WRO)、APRA亞太機械人聯盟競賽等。

專業導師 講解背後原理

LEGO Education課程全部均由專業導師進行指導,每一位都有LEGO認證的導師牌照,這個專業資格在香港並不多人擁有。「老師會寫好lesson plan,上堂唔單止淨係同學生砌積木,更加會講解背後嘅原理同應用,一齊分析。家長自己喺屋企同小朋友玩,未必能夠做到呢個效果。」導師Sing解釋。所有課堂都會以小班教學形式進行,最多只會1對6,以確保師生有充足互動。

學習STEM之餘,這裏也是一個讓小朋友課餘釋放壓力、提升創意的地方。中心主打DIY SLIME,鬼口水質感獨特,可以搓揉出不同形態,深受小朋友喜歡。製作非常簡單,過程中的手感與聲音能令人放鬆心情,十分療癒。「小朋友好喜歡SLIME軟腍腍嘅手感,搓時仲有啲『啵、啵』聲,好relaxing,就好似我哋細個啪bubble紙咁。」

DIY鬼口水 成分安全

DIY時要把膠水、沐浴露及蘇打粉等材料混合,然後加上配飾。「有啲家長會嫌小朋友喺屋企玩,整到污糟晒,嚟呢度就無問題。」Sean笑說。場內有過百款精美可愛的配件選擇,還有多款不同質地的SLIME,琳瑯滿目,相當齊全。「workshop會有導師教未玩過嘅小朋友玩,亦都有pre-made嘅SLIME,畀再細啲嘅小朋友玩。」採訪當日,小小編Gianna試玩SLIME,相當投入和玩得開心呢!

中心的產品大部分來自美國,「我哋嘅原料全部經過品質驗證,成分安全。坊間好多SLIME都有硼砂,我哋確保無硼砂、不含毒,唔會傷害皮膚。」完成工作坊後,小朋友可以帶走自己的SLIME成品,保存得好可以玩2至3年。另外,小小CEO Victoria教路,如果SLIME開始失去彈性,可加隱形眼鏡藥水令其回復柔軟。不少家長亦會與子女一同參加工作坊,假日親子活動又多個選擇。

11歲及8歲的小小CEO

EAV Education House (STEM)由波爾錶太子女楊茹庭(Sean)商業拍檔的兩位女兒,陳家瑜(Victoria,11歲)和陳閔閔(Chantelle,8歲)創辦,Sean則擔任總監。兩位小小CEO事事親力親為,中心內的玩具商品亦是由他們親自挑選,試玩過覺得好玩才推薦給其他小朋友。家長常怕買了玩具回去小朋友會不喜歡,今次就不怕小朋友「唔啱玩」了。

撰文︰王寶欣

編輯︰余運慶

美術︰梁政敏

攝影︰羅灝駿