【家用爭議】畢業生月入$1.5萬 遭失業父母索$1萬家用 威脅「唔畀唔煮飯趕出門口」【附專家意見】

向父母交家用為子女之責，但到底要給多少, 卻是困擾不少人的難題。一名港男日前在網上討論區吐苦水，指自己剛畢業，月入為15,000元，卻被失業的父母以威脅方式, 索取多達10,000元家用，因而大為苦惱，希望一眾網民應給予意見。有親子理財專家曾接受《晴報》訪問時表示，家用的定義在於心意，答謝父母的養育之恩；但各人家庭環境不同，不能一刀切為他人作決定。

該名港男日前在網上討論區「連登」，以「fresh grad唔想畀家用」為題發帖，指自己剛畢業，「搵得萬五蚊」，原本想工作一年穩定後, 才每月上繳3,000元家用，未料父母突然要求他立即交家用，

「（父母）話聽日出糧要畀$5000家用+5000失業基金（兩個都因為疫情而失業），否則唔煮飯畀我食、趕我出門口。」

他對於父母「獅子開大口」的要求感到不忿，大呻由細到大兩老都當他「貓狗咁養大」，

「住公屋丶冇興趣班丶冇去過旅行，而且我每日冒住酷熱嘅天氣辛苦做嘢丶返工畀人鬧，全部血汗錢嚟，而佢哋只係留喺屋企睇電視嘆冷氣......咁我畀唔畀家用好？如果畀，畀幾多？」

此事引來網民熱議，不少人留言表示同情樓主苦況，「點儲錢？」、「拎10,000蚊搬出去住，以後唔使煩」、「點解佢哋唔搵工」、「自己計條數，每月水電煤屋租幾多，就畀返幾多」、「佢哋生仔擺明係為咗等你養啫」、「睇你同佢哋嘅感情囉……如果父母細細個開始對你好就無計，呢種養育之恩，可以還一世」。

同時，亦有網民勸樓主體諒父母難處，並應與父母多加溝通，「同屋企人傾吓，一齊解決問題好過啦……兩個都失業，無埋樓主份家用都幾係嘢」、「其實如果佢哋都無嘢做，攞5,000家用又真係唔多嘅，樓主都喺屋企又食又瞓呢」。

親子理財專家：家用的定義在於心意

對於家用此千古難題，親子理財專家雷裕武早前接受《晴報》訪問時表示，家用的定義在於心意，答謝父母的養育之恩，「畀家用不在乎家庭有否需要或父母是否等錢用，正如父母無錢都會養你」。他建議家長以身作則，從小就培養子女給家用的習慣。

他又指，以往給家用是理所當然，「你在家住，有收入，支付基本家庭開支都應該」，此舉全出自責任心及歸屬感。但時代變遷，社會物質豐裕，部分港爸媽過於溺愛子女，反而造就不少「伸手黨」。

但各人家庭環境不同，雷指不能一刀切為他人作決定。若是無父蔭的年輕人，剛畢業月入僅1萬元，扣除學生貸款、進修等日常開支，確實所餘無幾，「相信父母係有計傾的」，建議年輕人將人工分三份，包括儲蓄、支出及家用，訓練個人理財能力。

每朝索取《晴報》：精明生活．健康家庭．開心娛樂

責任編輯：李凱晴