【愛回家】廢青安 Bonnie戲外錫錫戲假情真？大小姐 送水輝教你男友生存法則

《愛回家之開心速遞》裡面除了龔燁（張景淳飾演）與若水（呂慧儀飾演）這對「龔水戀」外，安仔（周嘉洛飾演）與Bonnie(林凱恩飾演）的情侶檔亦相當受歡迎。大多網民覺得安仔的天真單純，跟Bonnie聰明冷靜很有火花。

戲內甜到漏，戲外二人都曾經傳過緋聞，事緣周嘉洛上年得到「最佳男配角」一獎時，林凱恩比他更為激動，一邊喊，一邊衝上前道賀。雖然事後周嘉洛多次澄清二人並非男女朋友關係，關係疏離，但日前他們拍片放上直播平台「抖音」放閃，好多網民都覺得他們真撻著。

片中林凱恩問周嘉洛：「哎，問你一條問題，老實答。錫我有100蚊，錫全世界最靚嘅女仔有1000蚊，你會錫邊個？」周嘉洛沒有多想，馬上壁咚、錫錫林凱恩，仲一臉chok爆攤開手掌問：「我嘅1100蚊呢？」林凱恩忍不住甜笑，不斷假裝拍打周嘉洛心口撒嬌，周嘉洛笑住點頭。一班網民都指見到就覺得心甜：「好鍾意你哋兩個」、「好sweet」，有人覺得他們戲假情真：「現實在一起嗎？」

{{hket:inline-image name="13.jpg"}}{{/hket:inline-image}}

(抖音短片截圖)

{{hket:inline-image name="14.jpg"}}{{/hket:inline-image}}

(抖音短片截圖)

{{hket:inline-image name="15.jpg"}}{{/hket:inline-image}}

(抖音短片截圖)

{{hket:inline-image name="11.jpg"}}{{/hket:inline-image}}

(抖音短片截圖)

其實今次周嘉洛咁醒，都是源於上次的教訓。早前林凱恩問他一條世紀難題：「如果我同你媽媽跌落水，你會救邊個？」周嘉洛懶醒打算轉移視線，誰知踩到中陷阱：「點解你成日都問啲咁嘅問題？咁我問你，如果我同你好姊妹跌落水，咁你會救邊個？」林凱恩聽到黑面扮喊：「點解你會同我好姊妹一齊跌落水？你哋做咩嚟？點解唔係你同我跌落水？」周嘉洛聽完不知如何反駁，一臉苦惱。

{{hket:inline-image name="16.jpg"}}{{/hket:inline-image}}

(抖音短片截圖)

{{hket:inline-image name="17.jpg"}}{{/hket:inline-image}}

(抖音短片截圖)

{{hket:inline-image name="18.jpg"}}{{/hket:inline-image}}

(抖音短片截圖)

相比他們，送水輝許家傑就醒得多，仲同大小姐林淑敏拍片示範，教導各位男士有關男朋友的「生存」法則——就是任何時候要先做道歉那方。當許家傑做錯事時，他即時一臉無辜地向林淑敏說：「我錯喇...(錯喺邊呀？）邊度都錯（下次呢？）冇下次...」

{{hket:inline-image name="19.jpg"}}{{/hket:inline-image}}

(抖音短片截圖)

但當林淑敏做錯事時，她沒有道歉，反而向許家傑撒嬌：「我錯喇...(錯喺邊？）你唔可以攬吓我咩？」許家傑聽到心都軟，竟低下頭同林淑敏主動道歉：「我錯喇（你錯喺邊度？）我邊度都錯喇...我錯咗咩呀？」逗得林淑敏甜笑翹他手。

{{hket:inline-image name="20.jpg"}}{{/hket:inline-image}}

(抖音短片截圖)

{{hket:inline-image name="21.jpg"}}{{/hket:inline-image}}

(抖音短片截圖)

其實許家傑都只是跟大家開個玩笑，不少網民睇完都非常認同，笑言：「唔好同女人講道理呀」、「女人唔會有錯，有錯都係男人唔肯認錯」、「男朋友唔想死要識咁講」。

{{hket:inline-image name="12.jpg"}}{{/hket:inline-image}}

(抖音短片截圖)

撰文：張芷晴
責任編輯：黃蘊芝