藝人周柏豪於2018年到大陸拍攝網絡電影《鬥戰勝佛之大聖之淚》，粉絲等足兩年，電影於7月3號終於喺愛奇藝平台有得睇啦！而官方微博近日更擺咗多條短片同海報，為電影宣傳，除咗周柏豪版本的孫悟空之外，還有女主角張馨予飾演的「幸運星」。
相關新聞：【兩個小生去Camping】周柏豪陳山聰尷尬提當年牙齒印 黑歷史再出土 只為件衫咁簡單？
（微博圖片）
電影講述成為鬥戰勝佛嘅周柏豪遭怨靈蠱惑，而唐三藏亦危在旦夕，該怨靈正係孫悟空三百年前嘅舊相識，天人界女神張馨予。為咗尋找惡的源頭，周柏豪就踏上一場回到過去之旅，當中同張馨予都有唔少對手戲。
（微博圖片）
（微博圖片）
周柏豪當時拍呢部電影引起唔少討論，事關電影似《西遊記》經典角色孫悟空為題材。但與過往成臉毛髮嘅悟空形象唔同，周柏豪飾演嘅角色，雖然染咗頭髮又換埋古裝戲服，不過塊面同身又冇乜毛，唔太似孫悟空，仲有啲喜感，絕對係反傳統，當時更被網友笑稱係「最少毛嘅悟空」。而周柏豪就曾經於訪問解釋自己角色比較新穎，係攞完西經嘅孫悟空，叫「鬥戰勝佛」，所以係會比較少毛髮。
真係好少毛髮！（微博圖片）
《西遊記》為題材電影、電視劇長拍長有，歷年都有唔少藝人演過孫悟空，邊個演得最令人記憶深刻呢？
張衛健
張衛健被封為「最經典悟空」亦唔過份，旱於96年TVB版本《西遊記》演過孫悟空，神態動作入型入格，更令佢攀上事業高峰。
（網上圖片）
陳浩民
陳浩民1998年接替張衛健演《西遊記貳》，近年佢專注喺大陸發展，都相繼演過唔同類以悟空為題材嘅電影，例如《鬥戰勝佛》、《齊天大聖之火焰山》等。
（網上圖片）
甄子丹
甄子丹之前主演電影《西遊記之大鬧天宮》悟空造型好花心思，單係妝容就步就多達25道程序，仲著埋「仿真肌肉」拍動作戲，認真唔容易。
（網上圖片）
陳柏霖
陳柏霖於2005年科幻電影《情癲大聖》嘅孫悟空，性格正直、無厘頭，而一頭紅毛都相當「非主流」。
（網上圖片）
林峯
林峯近年主力於大陸發展拍劇，之前主演《大潑猴》加上穿越元素，造型都同之前孫悟空唔同，要戴埋古裝假髮頭套兼眉毛向上翹。
角色設計圖（網上圖片）
但最後係咁嘅效果（網上圖片）
彭于晏
2017年彭于晏同余文樂主演嘅華語電影《悟空傳》，彭于晏更被稱為「最靚仔嘅悟空」。
（網上圖片）
撰文：羅慧怡
每朝索取《晴報》：精明生活．健康家庭．開心娛樂