《飛虎》第3輯繼續打 苗僑偉：好似《愛．回家》咁拍落去

邵氏全新網劇《飛虎之壯志英雄》昨日舉行開鏡儀式，除了「鐵三角」苗僑偉（三哥）、黃宗澤（Bosco）及吳卓羲（Ron）外，更加入新面孔郭晉安、馬德鐘及朱晨麗等，Bosco更劇透將與陳瀅有親熱戲，三哥大呻無艷福。

提到《飛虎》系列拍到第三輯，苗僑偉與黃宗澤受訪時，笑言有信心可以拍第四、五、六輯，三哥更搞笑說：「希望好似處境劇《愛．回家》咁拍落去。」Bosco笑言若三哥叫到，自己一定奉陪繼續拍。他們透露今輯的動作戲是歷來最多、最辛苦，可擔心天氣酷熱拍外景戲易中暑？三哥說︰「無得驚，惟有飲多啲水。」加操體能？Bosco取笑說︰「三哥練咗『回春功』！」三哥亂噏說：「之前膝頭舊患突然好番，可能係迴光返照。」

Bosco劇透說劇中將與陳瀅有咀戲及床戲，三哥聞言笑說：「啲靚女戲、咀戲留晒畀Bosco，我自己唔知有無（親熱戲）。」早前Bosco與吳卓羲建議三哥與無綫高層樂易玲演一對，三哥說：「咁大件事？要樂小姐粉墨登場，佢邊會有期。唔係嫌棄，無謂要佢咁辛苦啦。」

郭晉安扮微生物學家

新加入劇組的郭晉安，在劇中飾演微生物學家，與張兆輝有不少對手戲。安仔說：「我都係第一次同輝哥合作，輝哥係我學習對象。我未演過飛虎隊，只演過CID或海關。」想演飛虎隊成員？他說：「如果話恨做，第四集就會搵我，或者做訓練飛虎嗰個，叫人跑自己唔使跑。」至於飾演飛虎隊頭目的張兆輝，笑言平日有操練體能，應付戶外動作場面也沒大問題。

採訪︰Pauline

攝影︰林良明

編輯：李潔盈

美術：梁政敏