【婚姻觸礁】與老爺奶奶同住 沒機會與老公親密接觸 2孩港媽想離婚：大家都好似冇咗愛

為應付龐大開支，本港不少家庭都是「公一份、婆一份」，小朋友由家傭或「四大長老」照顧。一名兩孩港媽日前發帖吐苦水，指自己與丈夫的關係愈來愈生疏，再加上與老爺奶奶同住，更是沒機會有親密接觸，難以修補關係。對此，她直言「大家都好似冇咗愛」，但礙於年幼子女，離婚似乎並非好選擇，因而詢問一眾網民該如何是好。

該名港媽日前在網上討論區「親子王國」以「好想同老公離婚，但係又身不由己」為題發帖，指與丈夫的關係愈來愈生疏，覺得自己對丈夫「已經冇晒感覺」，而且「有成1年幾冇掂過大家」。

她指出，隨著第二胎出生，因為丈夫想「想畀返自己人湊」的關係，不肯聘請家傭，老爺奶奶因而搬來與他們同住，幫忙照顧孩子。亦因為與老爺奶奶同住的關係，她與丈夫跟本沒機會有親密接觸，加上丈夫「成日話返工好忙」而冷落她，兩夫婦完全零交流，因而令她感到傷心，

「我唔想再咁落去，同奶奶住已經好唔想，日日係屋企對得最多就係奶奶，同老公見面係極少......我尊重佢決定，佢同返自己屋企人住當然唔覺有問題，不過我好頂唔順佢屋企人，日日都對住，係幾咁辛苦！所以我非常難受！ 」

她又指，自己曾與丈夫討論過「好耐冇2人世界」的問題，而丈夫事後亦有改善，但無奈最終都打回原形。她想丈夫多點陪她，但丈夫放假時，「我feel到佢好唔想將啲時間去陪晒我，佢實搵到啲節目又去咗約Fd，我真係好傷心……佢都唔係咁想對住我......」最後，她表示：

「其實大家都好似冇咗愛，呢個地步仲可以再一齊到下半世？我好矛盾……想離婚，不過而家有2個仔女，又好難離到……」

網民建議租酒店增情趣 或向專業人士救助

此事引來網民熱議，不少網民對於樓主的遭遇大為同情，並紛紛留言給予建議，「不如坦誠同老公傾吓，請工人，不想同老爺奶奶住，否則就分開啦」、「其實好多家庭都係咁。如果佢唔係有女人或對你太差，試吓多啲溝通修補」、「感覺係因為無獨處時間，不如用少少錢，周末訂酒店兩夫婦過吓二人世界增進感情」。此外，亦有網民建議樓主主動尋求協助，「加油呀，有無試過婚姻輔導？好多老夫老妻都有呢個問題。一係搵專業人士幫吓手。」

每朝索取《晴報》：精明生活．健康家庭．開心娛樂

責任編輯：李凱晴