1個App掌握置富16商場資訊+優惠

依家去商場行街買嘢儲積分，唔使再分幾十張卡儲分喇。置富Malls推出首個商場手機應用程式「Fortune Malls置富Malls」App，集合旗下共16個商場、超過1,600家商戶嘅最新資訊，仲涵蓋多項實用功能，真係超級方便！

黛安聽公關姊妹介紹，呢個App方便晒Fortune+會員統一賺取5大商場（即+WOO嘉湖、置富第一城、馬鞍山廣場、都會駅及置富都會）嘅Fortune+積分、換取獎賞及優惠，同時可以緊貼最新商戶優惠及商場活動。

而且，呢個App亦為5大指定商場增設點對點商舖導航功能，等大家輕輕鬆鬆即可到達目標商戶；而其餘11個商場亦有商舖地圖功能，地圖上仲清楚列明商場嘅設施，例如洗手間、育嬰室及升降機等位置。想做個精明消費者，就要快啲下載呢個App嚟用喇。