借無綫人拍亞視劇？ 林文龍：有合作空間

林文龍與黃翠如昨日到將軍澳電視城宣傳劇集《那些我愛過的人》，無綫高層杜之克亦現身支持。身為亞視副總裁的林文龍，坦言昨日是現階段最後一次踏足電視城，不過他認為無綫與亞視將來或有合作機會。

《那些我愛過的人》本周播大結局，林文龍表示隨劇集播完，自己暫時亦不會亮相無綫：「將來就唔知啦，我無綫出身，多謝無綫多年培育，所以有少少感觸，希望之後唔會被杜生（杜之克）拒絕入城。」

林文龍透露，亞視旗下的亞洲心動娛樂最近收到不少劇本：「好多我都鍾意，好想參與，但我要處理公司嘅事，真係好難抽身再拍劇。」問到會否向杜之克提議，向無綫借藝員拍亞視劇？林文龍：「一步一步嚟，其實兩間公司唔係直接競爭對手，所以係有合作空間。」他又指亞視預計最快下月開拍綜藝節目，劇集方面則希望有完整劇本才正式開工。

黃翠如演技獲讚

另外，林文龍又大讚黃翠如在劇中表現大有進步：「最近同兩個前導演食飯，佢哋都讚翠如演出有進步，我哋拍攝時，睇到佢花咗好多心機，對自己有要求。」翠如得知被讚，笑言沒有壓力：「我會繼續努力做好，因為始終都會有批評之聲，希望做好自己。」

採訪︰Pauline

編輯：李潔盈

美術：Simon